Sport

Zbulohet formati i ri i Botërorit të Klubeve, nga viti 2021

Autori: Gazeta inFokus 11:34 | 13 May 2019

Në vitin 2021 do të startojë Botërori i ri i Klubeve, që do të zhvillohet në harkun kohor 17 qershor-4 korrik.

Tashmë është përcaktuar edhe formati i ri i turneut, me Europën që do të ketë më shumë përfaqësues, plot 8 skuadra, pasi do të marrin pjesë fitueset e Champions League dhe Europa League në 4 sezonet e fundit.

Amerika e Jugut do të ketë 6 skuadra; Afrika, Azia e Amerika e Veriut dhe ajo Qendrore do të kenë nga 3 ekipe secila; ndërkohë që një skuadër do të ketë nga Oqeania.

-Advertisement-

Nëse një skuadër ka fituar më shumë se një herë në secilën prej këtyre sezoneve, atëherë vendin do ta marrë skuadra që e ndjek në klasifikim në çdo kontinent. “Superbotërori i Klubeve” ka 24 skuadra pjesëmarrëse, që do të ndahen në 8 grupe me 3 ekipe secila, e skuadrat e vendeve të para do të kualifikohen për në çerekfinale.

Për edicionin e parë të “Superbotërorit të Klubeve” janë të kualifikuara Reali i Madridit dhe Atletico Madrid, fitues të kompeticioneve europiane në vitin 2018; më pas do të jenë Liverpool/Tottenham dhe Arsenal/Chelsea, skuadrat që kanë pushtuar finalet e Championsit dhe Europa League këtë vit.

Pjesa tjetër e skuadrave do të përcaktohen nga dy edicionet e radhës së këtyre kompeticioneve. E njëjta formulë përcaktohet edhe për Amerikën e Jugut, me Gremion dhe River Platen që janë të kualifikuara, si kampione të Kupës Libertadores.

Ajo që nuk dihet në këtë pikë është vendi ku do të zhvillohet Botërorit i Klubeve, me Katarin të përjashtuar në këtë aspekt, ndërkohë që Japonia duket se është një prej pretendenteve për të pritur këtë turne.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy