Sport

E “kërkoi” vet kartonin, Sergio Ramos ndëshkohet dyfish nga UEFA

Autori: Gazeta inFokus 10:10 | 01 March 2019

Komisioni i Disiplinës së UEFA-s vendosi të ndëshkojë për dy ndeshje futbollistin spanjoll, Sergio Ramos, pas kartonit të verdhë që mori qëllimisht në minutat e fundit të ndeshjes së Champions League kundër Ajaksit.

Mbrojtësi i Realit të Madridit veproi me ndërgjegje të plotë se do të dënohej nga arbitri, pasi ishte i rrezikuar për të munguar në ndeshjen e kthimit kundër rivalëve holandezë, por tani e pëson më keq nga raporti i vëzhguesve.

Sergio Ramos kishte menduar se do të ezauronte rrezikun për kartonat, me synimin për të qenë në ndeshjet e tjera të Realit të Madrid, me vetëdijen se “galaktikët” e kishin hipotekuar kualifikimin me Ajaksin. Por, UEFA e ka ndëshkuar duke u bazuar edhe në rrëfimin e vet lojtarit pas ndeshjes, duke i vendosur jo një, por dy ndeshje dënim.Kështu, mbrojtësi i Kombëtares spanjolle dhe kapiteni i Realit do të mungojë në sfidën e kthimit ndaj skuadrës nga Amsterdami, që do të luhet në stadiumin “Santiago Bernabeu”, si dhe në ndeshjen e parë çerekfinale, në rast se iberikët do të kualifikohen sipas parashikimeve.

-Advertisement-