Sport

Messi nuk njeh “plakje”, 50 gola të shënuara në 2018-n

Autori: Gazeta inFokus 08:10 | 18 December 2018

Lionel Messi do të mbyllë vitin 2018 në nivelin maksimal. Kapiteni i Barcelonës i është kthyer normalitetit, pas dëmtimit në bërryl të pësuar në ndeshjen me Sevillën, e që e mbajti atë jashtë fushave për 3 javë.

Në sezonin 2018-2019, Messi ka zhvilluar 19 ndeshje, duke shënuar një bilanc me 20 gola dhe 12 asiste. Këto numra e bëjnë atë shënuesin më të mirë në La Liga, me 14 gola, dhe pasuesin më të mirë me 10 asiste. Për më tepër, ai është edhe goleadori dhe pasuesi më i mirë edhe në të 5 kampionatet kryesore europiane.

Për sa u përket 12 muajve, shifrat e Messit janë vërtet të shkëlqyera. Në 48 ndeshje, ai ka 46 gola dhe 23 asiste. Nëse këtyre statistikave u shtojmë edhe ato të regjistruara me fanellën e Argjentinës, atëherë bilanci i Messit shkon në 50 gola e 26 asiste, në 53 ndeshje të zhvilluara.

-Advertisement-