Lidhja Demokratike e Kosovës në një konferencë për medie ka bërë të ditur se Grupet Parlamentar në vend duhet të mblidhen për të miratuar çështjet urgjente.

Shefi i Grupit Parlamentarë të LDK-së, Avdullah Hoti ka përmendur disa nga çështjet që sipas tij janë urgjente, shkruan Gazeta inFokus.

“Duhet të mblidhemi në tryezën e partive politike parlamentare. Pas dakordimit të partive politike, Kuvendi duhet të mblidhet për të miratuar çështjet më urgjente që janë në pritje: Rezoluta për heqjen e temës së rishikimit të kufijve nga dialogu, Ligji për ushtrinë dhe Buxheti për 2019”, ka thënë Hoti.

-Advertisement-

E pas miratimit të tyre sipas Hotit vendi duhet të shkoj në zgjedhje.

“Pas kësaj, duhet organizuar seancën e Kuvendit për shpërbërje të Kuvendit. Kosovës i duhet një qeveri e përgjegjshme, profesionale, që i del zot vendit, që nuk i delegon kompetencat e veta kushtetues, por i ushtron ato plotësisht. Kosovës i duhet një qeveri që mund të marrë vendime pa u kushtëzuar nga askush”, ka shtuar Hoti.

Më poshtë mund të gjeni të plotë fjalimin e Hotit.
“Kriza institucionale po thellohet.
Institucionet e Kosovës, të udhëhequra nga koalicioni PAN, nuk janë në nivelin e përgjegjësisë.
Skandalet e përditshme të zyrtarëve të lartë qeveritarë, mungesa e dijes elementare për të udhëhequr institucionet dhe problemet me ligjin, kanë bërë të humbet besimi i qytetarëve në institucione.
Në arenën ndërkombëtare, Kosova është në pozitën më të disfavorshme historikisht. Edhe gjatë viteve të 90-ta, kur nuk e kemi pasur shtetin tonë të pavarur dhe diplomaci shtetërore, përkrahja për Kosovën ka qenë më e madhe.
Kriza ka eskaluar me dorëheqjen e katër kryetarëve të komunave në veri pas vendosjes së taksës për mallrat serbe.
Kjo situatë ka ardhur si rezultat:
– i angazhimit jo kushtetues të Presidentit për nisur dialogun me Serbinë për korrigjim të
kufijve dhe
– nga mosveprimi i Kryeministrit në përputhje me kompetencat kushtetuese.
Kjo gjendje në Kosovë i shkon përshtati vetëm Serbisë për të implementuar projektin e vet për
ndarje të Kosovës.
Presidenti po vazhdon kauzën e tij për rishikim të shtetësisë së Kosovës.
Më lejoni edhe një herë ta bëjë të qartë para të gjithë qytetarëve se LDK-ja nuk do të pranojë asnjë marrëveshje që prek integritetin territorial të shtetit të Kosovës.
Prandaj, na duhet konsensus për tejkalimin e krizës institucionale.
Të gjitha forcat politike që janë për shtetin e Kosovës duhet të tregojnë përgjegjësi institucionale në këtë situatë.
Duhet të mblidhemi në tryezën e partive politike parlamentare.
Pas dakordimit të partive politike, Kuvendi duhet të mblidhet për të miratuar çështjet më urgjente që janë në pritje:
– Rezoluta për heqjen e temës së rishikimit të kufijve nga dialogu.
– Ligji për ushtrinë,
– Buxheti për 2019,
Pas kësaj, duhet organizuar seancën e Kuvendit për shpërbërje të Kuvendit.
Kosovës i duhet një qeveri e përgjegjshme, profesionale, që i del zot vendit, që nuk i delegon kompetencat e veta kushtetues, por i ushtron ato plotësisht.
Kosovës i duhet një qeveri që mund të marrë vendime pa u kushtëzuar nga askush./Gazeta inFokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-