Skandaloze| Zëvendësi i Pal Lekajt e punëson djalin në ministri
Autori: Gazeta inFokus 15:52 | 08 November 2018
Që prej ditës së djeshme, zëvendësministri i Ministrisë së Infrastrukturës, Idriz Selimaj do ta ketë një koleg më shumë.
Kolegu i tij i ri nuk është një person që ai nuk njeh. Është djali i tij. Demokrat Selimaj është zgjedhur kandidat i suksesshëm në pozitën e zyrtarit për rregullim ekonomik.
Idriz Selimaj, që vjen nga radhët e AAK-së, për KALLXO.com e ka konfirmuar, se djali i tij është punësuar në ministrinë ku ai është zëvendësministër. Kjo ministri udhëhiqet nga Pal Lekaj, që është pjesë e Aleancës për Ardhmërinë e Kosovës.
Rezultati për kandidatin e suksesshëm është publikuar gjatë ditës së djeshme, ku Demokrat Selimaj është bindshëm i poentuar më shumë se kundër kandidati i tij. Punësimi i tij është raportuar në KALLXO.com.
Zëvendësministri thotë se nuk është marrë fare me konkursin e tij, madje deklaron se nuk e ka pasur pëlqimin e tij për të konkurruar në këtë punë.
“Po, Demokrati është djali im. Por absolutisht nuk jam marrë me atë punë, është e drejtë e tij. Madje, ai nuk e ka pasur pëlqimin tim fare me u angazhu në këtë punë, meqë shumë shpejt po e regjistron doktoratën në Tiranë. Ai është i madh, i ka 27 vjet. Ai jeton në Prishtinë, unë në Suharekë”, tha Idriz Selimaj për KALLXO.com
I pyetur se a e cilëson këtë si konflikt interesi, faktin që ai mban pozitë politike të rëndësishme në ministri dhe në këtë kohë po punësohet djali i tij, zëvendësministri thotë se është e drejtë e tij të kërkoj punë.
“Absolutisht nuk e konsideroj që kemi të bëjmë me konflikt interesi sepse ai ka rastis me pas prindin zëvendësministër, përndryshe as që jam interesuar për këtë punë. Është e drejtë e tij me kërku punë, është djalë i 10, nuk e ka asnjë 9, prandaj nuk duhet as të ia këshilloj e as të ia mohoj të drejtën e tij të punës”, tha në mes tjerash zëvendës-ministri Selimaj për KALLXO.com.
Ai thotë se ka qenë sfidë për të fakti se mos po del keq në intervistë me shkrim e me gojë. Ai tregon se për përformancën e djalit të tij është njoftuar nga paneli shqyrtues.
“Ka qenë veç një sfidë, mos rastësisht djali im nuk po del mirë në testin me shkrim a me gojë, atëherë është një ndjesi e keqe, përndryshe kur mora vesh që ka dal mirë sipas panelit intervistues, unë jam ndje mirë. Nëse do të kishte dëgju mu, nuk kish me apliku fare se nuk është njëfarë pozite, e ai ka ambicie më të mëdha”, tha tutje babai i Demokrat Selimajt.
Të tjera
-
Ngjarjet e datës 8 maj
Kryeministri i Republikës së Kosovës, Albin Kurti, në 25-vjetorin e masakrës ...
-
Gazetarja Ardiana Thaçi Mehmeti cak i sulm*eve në grupin Albkings
Asociacioni i Gazetarëve të Kosovës me shqetësim të thellë i ka përcjellë rap...
-
Scholz: Siguria dhe stabiliteti i Ballkanit Perëndimor nuk duhet të merren si të mirëqena
Siguria dhe stabiliteti i shteteve të Ballkanit Perëndimor nuk mund të merren...
-
Hamiti: Imazhi i Kosovës më i keqi në historinë e vendit, ky është ndryshimi që bënë Vetëvendosje e Guxo
Muhamet Hamiti, anëtar i kryesisë së Lidhjes Demokratike të Kosovës (LDK)...
-
Lajçaku takon asistentin special të Bidenit, flasin për raportet BE-SHBA
I dërguari Special i Bashkimit Evropian për dialogun Kosovë-Serbi, Miroslav L...
-
Ndahet nga jeta infermieri dhe veterani i UÇK-së
Ish-veterani i Ushtrisë Çlirimtare të Kosovës dhe infermieri Skender Hoti, ng...
-
Behrami: Kurti është mjeshtër i manipulimit publik, krejt ka me i pranu
Sipas analistit Artan Behrami, kryeministri Albin Kurti është “mjështër i man...
-
Tubimi me rininë në Prishtinë, Abdixhiku përmend zgjedhjet: LDK e mobilizuar, e fortë përballë secilës betejë
Kreu i LDK-së, Lumir Abdixhiku, thotë se partia që ai udhëheq është e g...
-
Osmani tregon për takimet në Samitin e Biznesit SHBA-Afrikë: Mundësi e vlefshme për të nxitur më shumë bashkëpunim
Presidentja e Kosovës, Vjosa Osmani, ka marrë pjesë në Samitin e Biznesit SHB...
-
Maqedonci: Serbia po vazhdon me qasje agresore ndaj Kosovës
Ministri i Mbrojtjes i Kosovës, Ejup Maqedonci, duke folur në panelin “Mision...
-
Kurti: Dragashi dhe Graçanica janë përzgjedhur për të përfituar nga procesi i zvogëlimit të barrës administrative
Kryeministri i Kosovës, Albin Kurti, ka bërë të ditur se Dragashi dhe Graçani...
-
LDK: Keqardhje për këtë Qeveri që ka degraduar marrëdhëniet me ndërkombëtarët
Kryesia e Lidhjes Demokratike të Kosovës ka mbajtur sot mbledhjen e saj t...