Lajme

Pacolli i ofron Shakirës aeroplanin e tij që të vij në Kosovë

Autori: Gazeta inFokus 18:22 | 27 October 2018

Zëvendëskryeministri i vendit, Behgjet Pacolli, i cili njëherit është edhe Ministër i Punëve të Jashtme ka folur për këngëtaren, Shakira e cila sipas Kryetarit të Komunës së Mitrovicës do të vie të performjë në hapjen e urës së Ibrit.

Mirëpo për këtë “dëshirë”, të Bahtirit, shefi i tij partiak, Pacolli është shprehur skeptik. Ai ka thënë se nuk beson që Shakira do të vie në Kosovë të performojë pa pagesë.

“Ardhja e saj pa pagesë është një dëshirë e shprehur nga kryetari Bahtiri, por unë nuk besoj se mund të ndodh diçka e tillë, pasi çdo gjë ka koston e vet. Mirëpo, ne jemi të gatshëm që në bashkëpunim edhe me donatorët, të përmbushim çdo aspekt ekonomik, që të mundësojmë ardhjen e saj në Kosovë”, ka thënë Pacolli në një intervistë për Telegraf.

-Advertisement-

Mirëpo, Pacolli është shprehur i gatshëm të ofrojë aeroplanin e tij privat ashtu sikurse për Duan dhe Ritën.

“Edhe nëse është këngëtarja ajo që vendos të vijë pa pagesë, ka plot shpenzime që duhet mbuluar menaxhmentin e saj, duke llogaritur këtu orkestër dhe gjithë stafin e nevojshëm. Ndërkohë për udhëtimin nuk është edhe shumë problem, pasi si për Duan dhe Ritën, jam i gatshëm që të ofrojmë udhëtimin me aeroplanin tim privat”, ka theksuar Pacolli.

Kryetari i Mitrovicës, Agim Bahtiri ditë më parë kishte bërë të ditur që Shakira është këngëtarja e mundshme që do të performojë në hapjen e urës së Ibrit. Bahtiri kishte konfiruar se asaj i është bërë ftesë zyrtare vetëm se pritet përgjigja e menaxhmentit.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy