Teksa jemi në prag të El Clasicos dhe pas një krize të gjatë të skuadrës në këto javët e fundit, ka qenë Marcelo ai i cili ka dalë të flasë për mediat për aktualitetet e fundit të skuadrës.

Anësori foli poashtu edhe për largimin e Cristiano Ronaldos dhe për spekulimet që qarkullojnë për të ardhmen e Julen Lopeteguit në këto ditët e fundit.

”Ka qenë një surprizë për ne rikthimi në rutinën e Real Madridit pa Cristiano Ronaldon pas përfundimit të pushimeve të verës sepse menduam se ai nuk do të largohet,” pranoi ai në kanalin e tij në Youtube.

”Real Madridi është një klub i madh, Cristiano është poashtu i madh, por klubi është më i madh se çdo lojtar.”

”Historia e Real Madridit është impresionuese dhe Cristiano Ronaldo ka shtuar më shumë pjesë në historinë e këtij klubi, por Real Madridi nuk mund të ndaloje.”

”Lojtarët ndryshojnë klubet, ndalojnë së luajturi, penzionohen dhe Real Madridi do të vazhdoje të jetë këtu.”

Përpara El Clasicos që do të luhet të Dielën, Marcelo theksoi rëndësinë e një ndeshje të tillë e cila sipas Brazilianit përfaqëson klubin e një profili të lartë si në rastin e Real Madridit.

”Të luash në Camp Nou dhe të përfaqësosh këtë stemë është shumë bukur, ndjenja është e bukur kur të gjithë tifozët janë kundër teje, të motivojnë,” shtoi ai.

”Është një ndeshje ku çdo gabim të kushton fitoren.”

”Ne duhet të jemi të fokusuar sepse i dimë kualitetet e Barcelonës dhe rëndësinë e lojtarëve që kanë në sulm.”

”Kur erdha në Real Madrid, një nga qëllimet e mia ishte të luaj në El Clasico dhe t’a fitoja atë, kam luajtur shumë dhe është gjithmonë një kënaqësi të luash ndaj Barcelonës.”

”Bota ndalon për të ndjekur këtë ndeshje, qoftë nëse është fillimi apo fundi i sezonit.”

”Çdo lojtar dëshiron të luaje në këtë ndeshje dhe unë kam patur privilegjin të luaj në disa.”

Rezultatet e dobëta në javët e fundit mund t’i kushtojnë Julen Lopeteguit, por Braziliani e ka të qartë që për teknikun duhet mbështetje dhe jo kritika.

”Do të tentojmë të përmbysim situatën sepse nuk kemi qenë shumë keq dhe duam të përmirësohemi,” theksoi ai.

”Lopetegui tenton të bëje gjithçka të mundëshme për t’a çuar Real Madridin sa më lartë që mundet, aty ku duhet të jemi.”

”Motivimi im është të zgjohem çdo ditë, të di që jam lojtar i Real Madridit dhe të luftoj çdo vit për Champions Leaguen.”

”Është shumë e vështirë, të gjithë thanë se është e pamundur të fitosh tre herë rradhazi, të gjithë thonin se nuk do ia dalim por tani nuk thonë më.”

”Ky është motivimi im.”

Marcelo do të jetë gati për El Clasicon teksa dëmtimi i pësuar ndaj Viktoria Plzen nuk rezultoi të jetë i rëndë.

BKS-ja kërkon nga Institucionet që sigurimi për bujqit të bëhët obligativ

Sponsoruar