Pastrohet deponia më e madhe në lagjen Rome në Fushë Kosovë
Autori: Gazeta inFokus 18:16 | 19 October 2018
Mbi 100 thasë me mbeturina dhe 11 kamion me mbetje inerte u larguan sot nga një deponi ilegale në lagjen “028” në Fushë Kosovë, e cila është e populluar me shumicë rome.
ky aksion u realizua në kuadër të projektit “Let’s Green It”, i cili është financuar nga zyra e BE-së në Kosovë , përkrahur nga BGF, INDEP dhe implementuar nga “Ta Pastrojmë Kosovën”. Pjesë e financimit të këtij projekti është edhe Qeveria e Republikës së Kosovës, në kuadër të Fushatës “Ta Pastrojmë Kosovën”, njofton kumtesa, përcjell lajmi.net.
Aksionit të sotëm iu bashkuan dhjetëra vullnetarë nga komunitetet, të cilët pastruan bashkë me vullnetarët e “Ta Pastrojmë Kosovën”.
Drejtori ekzekutiv i “Ta Pastrojmë Kosovën”, Luan Hasanaj ka thënë se do të kërkojnë përgjegjësi nga institucionet për këtë situatë alarmante, në mënyrë që këto hapësira të kthehen në shërbim të komunitetit.
“Zakonisht institucionet janë të prira që ta drejtojnë gishtin nga njëra-tjetra dhe fatkeqësisht situata vazhdon të jetë e njëjtë, pa zgjidhje. Publikisht zotohem se organizata jonë do të kërkojë përgjegjësi prej secilit institucion, që është përgjegjës që hapësirat si kjo këtu të kthehen në shërbim të komunitetit. Po i premtoj edhe nënkryetarit se do flasim me institucionet përgjegjëse edhe me hekurudhën që këto zona të lejohen që të përdoren për të mirën e komunitetit sepse po shihet se janë të stërmbushura me mbeturina, dhe nuk e di çfarë arsyetimi kanë që nuk e kanë leju fushën, e i lejojnë mbeturinat. Nëse nuk e lejojnë fushën, le të kujdesen për këtë hapësirë këtu që të mos rrezikohet komuniteti që jetojnë këtu”, tha ai.
Hasanaj tutje ka thënë se gjelbërimi i këtyre zonave do të mundësojë që ato të bëhen të përdorshme për aktivitete rekreative për komunitetin që jeton aty.
Ndërsa, nënkryetari i Komunës për komunitete, Qerim Gara ka thënë se problem të ngjashme me zonën që u pastrua sot, ka edhe në disa pika të tjera.
“Në lidhje me këtë ne do të marrim edhe shumë sëmundje të tjera nëse nuk fillojmë të veprojmë dhe ne si komunë do jemi pranë jush aq sa mundemi. Ne si komunë shumë herë i kemi pastruar këto zona, por me thënë të drejtën këtu është fukarallëk i madh ku të gjitha mbeturinat që bëhen, edhe prej Prishtinës, edhe kahmos, na vijnë nëpër lagje. Jo vetëm komuniteti , por të gjitha fshatrat e kanë gjet një vend ku vijnë i shprazin, dije pa dije, ne nuk mund t’i ruajmë të gjithë me policë, se ne me mujt me i zënë, ata do ta marrin dënimin e merituar, por nuk mund t’i zëmë, i qesin natën””, ka thënë ai.
“Ta Pastrojmë Kosovën” ju njofton se do të vazhdojnë aksionet për largimin e deponive ilegale të mbeturinave dhe vetëdijesimin e qytetarëve për ruajtjen e mjedisit.
Të tjera
-
PDK nderon dëshmorët e Podujevës, Hamza: Faleminderit, që ndërtuat bazamentin e shtetit tonë
Kandidati i Partisë Demokratike të Kosovës për Kryeministër, Bedri Hamza, bas...
-
Lajmërohet policja që ishte raportuar e zhdukur nga sot një javë, jep deklaratën e saj para Policisë
Gazeta Sinjali ka raportuar para disa ditësh se një police nga Rahoveci ishte...
-
Kurti: Dëshmorët vulosën angazhimin për liri
Kryeministri Albin Kurti ka shkruar për ditën e dëshmorëve të kombit shqiptar...
-
I konfiskohet vetura, 500 euro dënim dhe pikë negative ndaj shoferit që voziti nën masën mbrojtëse
Njësia për Kontroll të Autostradave ka identifikuar shoferin duke drejtuar mj...
-
Osmani udhëton për në Teksas me ftesë të MCC-së, merr pjesë në Samitin SHBA-Afrikë
Presidentja e Kosovës, Vjosa Osmani, ka udhëtuar për vizitë zyrtare në Teksas...
-
Haradinaj uron besimtarët me rastin e Pashkëve Ortodokse
Kryetari i Aleancës për Ardhmërinë e Kosovës (AAK), Ramush Haradinaj, ka urua...
-
Shefja e USAID: Vlerësimi i Kosovës nga FITCH tërheqë investime të huaja
Agjencia e Klasifikimit të Kredive Fitch Ratings ka dhënë vlerësimin e kredit...
-
Zgjedhjet parlamentare në RMV, deputetë të LVV-së si “përforcim” në fushatën e VLEN-it
Pesë deputetë nga Lëvizja Vetëvendosje nga Kosova, i janë bashkangjitur ditëv...
-
Parashikimi i motit për javën e ardhshme
Instituti Hidrometeorologjik i Kosovës ka dalë me parashikimet më të reja sa ...
-
Përurohet shtatorja e Tahir Sinanit, Haradinaj: Me heroizmin e tij nderoi jo vetëm Tropojën por mbarë kombin shqiptar
Kryetari i Aleancës për Ardhmërinë e Kosovës, Ramush Haradinaj, ka marrë pjes...
-
Përurohet shtatorja e Tahir Sinanit, Haradinaj: Me heroizmin e tij nderoi jo vetëm Tropojën por mbarë kombin shqiptar
Kryetari i Aleancës për Ardhmërinë e Kosovës, Ramush Haradinaj, ka marrë pjes...
-
40 ditë paraburgim për personin e kërkuar nga Interpoli
Gjykata Themelore në Ferizaj, ka aprovuar kërkesën e Prokurorisë Themelore të...