Lajme

Në Kosovë nuk do të mund të importohen vetura më të vjetra se 15 vjet

Autori: Gazeta inFokus 14:58 | 02 Tetor 2018

Tash e tutje kosovarët mund të importojnë vetura deri në 15 vjet të vjetra.

Kështu ka marrë vendim Komisioni për Zhvillim Ekonomik i Kuvendit të Kosovës, shkruan gazeta inFokus.

Gjatë kësaj mbledhje u morr vendim edhe që me bartjen e e automjetit te blerësi, bartet edhe regjistrimi i mbetur.
Anëtari i komisionit për Zhvillim Ekonomik, Infrastrukturë, Tregti, Industri dhe Zhvillim Rajonal,Muharrem Nitaj ka thënë se gjatë mbledhjen u morr vendim edhe për liberalizim të tregut të kontrolleve teknike.

-Advertisement-

“Në Komisionit për Zhvillim Ekonomik, sot është votuar që bashkë me bartjen e pronësisë së automjetit të bartet edhe regjistrimi i mbetur. Është votuar për liberalizimin e tregut të kontrolleve teknike. Kjo nënkupton që qytetarët mund ta bëjnë kontrollin teknik të automjetit në gjithë territorin e Kosovës e jo veç në komunën e caktuar, siç ka qenë deri me tani. “, ka shkruar ai.

Nitaj ka shkruar se vendimet e marra korrigjojnë padrejtësinë që u janë bërë qytetarëve.

Po ashtu është hequr kufizimi për certifikimin e kontrolleve të reja teknike. Dhe së fundi është votuar që kufiri i vjetërsisë së automjeteve të importuara të rritet nga 10 në 15 vjet! Jam i bindur se këto amandamente do ta marrin mbështetjen edhe në Seancë Plenare. Si Kryetar i Grupit Punues për plotësim ndryshimin e Ligjit pë Automjete, e falënderoj deputetin Mërgim Lushtaku si dhe gjithë anëtarët e Grupit për punën e bërë! Votimi i sotëm korrigjon disa padrejtësi që u janë bërë qytetarëve!”, ka përfunduar ai.

Ndryshe që nga janari i këtij viti ka hyrë në fuqi ligji i cili ndalon importin e veturave më të vjetra se 10 vite.
Gazeta inFokus në dhjetor të 2017-ës pati raportuar për rritje rekorde të veturave të importuara në Kosovë./inFokus