Rriten çmimet e derivateve
Autori: Gazeta inFokus 09:24 | 15 September 2018
Çmimi i derivateve në Kosovë është ngritur javëve të fundit.
Këto çmime janë rritur për rreth 10 cent, ndërsa krahasuar me vitin e kaluar çmimet janë ngritur për 20 cent.
Aktualisht çmimi i derivateve në Kosovë arrijnë prej 1.19 euro për naftë, ndërsa për benzinë deri 1.22.
Në shoqatën e naftëtarëve kanë treguar për KosovaPress se çmimet kanë pësuar disa ndryshime në këtë vit.
Kryetar i shoqatës së naftëtarëve të Kosovës, Fadil Berjani thotë se kjo ngritje e çmimeve ka ardhur si shkak i berzës ndërkombëtare.
“Sa i përket rritjes së çmimit, ne pikat e karburanteve në Kosovë jemi tregtarë. Diktohet çmimi nga berza dhe nga organizata prodhuese OPEK. Në Kosovë çmimet sillen 1. 19 – 1.20 euro… Ndërsa qe një javë është i njëjti çmim në tregun kosovar. Por, ne nuk jemi ata që diktojmë çmimin, sepse ne nuk kemi rafineri… Ne në një farë forme jemi tregtarë, ku çmimi na diktohet nga furnizimi, të cilin e bëjmë nga shtetet në regjion, prej Serbisë, prej Shqipërisë, prej Maqedonisë dhe Greqisë”, ka theksuar Berjani.
Ndërsa, për mungesë të cilësisë së derivateve, ai shton se Shoqata e Naftëtarëve ka kërkuar të kontrollohet në kufi, sepse kjo cilësi është duke u kontrolluar mjaft pak.
“Cilësia e naftës, ne gjithmonë kemi kërkuar që të kontrollohet në kufi, por cilësia është në një farë forme, është duke u kontrolluar shumë pak. Kemi bërë apel në Doganë, edhe me shkrim që të kontrollohet cilësia sa më shumë, sepse edhe qytetarët janë më të sigurt që të kenë një derivate më të mirë… kemi kontroll të vogël të cilësisë”, ka thënë ai.
Ndërsa, qytetarët e Kosovës kohëve të fundit janë duke paguar më shumë për derivatet që i harxhojnë automjetet e tyre.
Qytetari Naser Dervisholli, ka thënë se çmimet e derivateve janë të shtrenjta dhe nuk janë të arsyeshme krahasuar edhe me vendet e rajonit. Ai kërkon që të zbriten çmimet, sepse janë të pa përballueshme për qytetarët.
“Të shtrenjta janë(çmimet) e derivateve. Nafta është i mirë, sepse këtu e marrim rregullisht”, ka thënë Dervisolli.
Kryesues i Këshillit për Mbrojtjen e Konsumatorit në kuadër të MTI-së, Sherif Fejzullahu, ka thënë për KosovaPress se operatorët ekonomik duhet të punojnë gjithnjë në bazë të rregullave të tregut, duke mos i dëmtuar konsumatorët, sepse edhe ashtu një pjesë e qytetarëve janë në varfëri.
“Ngritja e çmimeve të derivateve kap një dimension shumë të gjerë të ekonomisë në Kosovë, sepse ndikon dhe në çmimet tjera të konsumit, ngaqë është zinxhirore. Andaj, kërkojmë të ketë kujdes nga shitësit e derivateve dhe të mos veprohet jashtë normave të lejuara, por të ketë një disiplinë për çmimet dhe cilësinë e derivateve. Institucionet kompetente duhet ta monitorojnë fuqishëm këtë treg, në mënyrë që mos këtë mashtrime në xhepin e konsumatorëve”, ka theksuar Fejzullahu.
Edhe kryetari i Shoqatës së Konsumatorëve, Selatin Kaçaniku, tha për KosovaPress se çmimet e derivateve të naftës, para syve e hundëve të institucioneve, asociacioneve, mekanizmave e të pushtetit rriten kur ka lëvizje sado të vogël në Berzën Botërore. Por, sipas tij, kur ato çmime ulen në Berzën Biotërore në Kosovë nuk ndodhë analogjia.
“Mosreagimi, mosndërmarrja e masave ligjore dëshmon për implikim serioz të “ njerëzve të forte “ të institucioneve, asociacioneve, mekanizmave, të partive politike… e të pushtetit në biznesin e derivative të naftës. Ky implikim është me rrezik të lartë ndaj shëndetit, mjedisit, buxhetit personal e familjar, shpenzimeve të rritura në prodhim, tregti e shërbime që i paguajmë ne… edhe ndaj Buxhetit të Shtetit sepse ky Buxhet rreth 20 % mbushet nga derivatet e naftës. E, paratë që mund t’i mungojnë ose i mungojnë buxhetit të shtetit janë të qytetarit konsumator taksapagues – gjenerues kryesor i këtij Buxheti”, deklaron Kaçaniku.
Për ngritje të çmimeve të derivateve 6.3 përqind, është konfirmuar nga Agjencia e Statistikave të Kosovë.
Të tjera
-
Riker: Mbyllni procesin e dialogut dhe zgjidhni problemet
Ish-zëvendës Ndihmës Sekretari i Departamentit të Shtetit, Filip Riker, dekla...
-
Takohen gruaja më e shkurtër dhe ajo më e gjatë në botë, fjalët që thanë për njëra-tjetrën pas takimit
Jyoti Amge dhe Rumeysa Gelgi, janë pjesë e librit të rekordeve “Guiness”. E p...
-
Moti i keq, Policia thirrje vozitësve: Kujdes, ka aksidente nëpër rrugë të vendit dhe autostrada
Orëve të fundit mbi vendin tonë kanë vazhduar të reshura të shiut të shoqërua...
-
“Përgaditu se unë jom karatist”- Momenti kur moderatori shpërthen në të qeshura, pasi Jahja Koka ia thotë këtë gjë
“Përgaditu se unë jom karatist”, ishte një nga fjalitë dhe momentet që bëri m...
-
LAJMI I FUNDIT/ Vetura godet për vdẹkje një këmbësor në Krushë të Madhe
Një këmbësor është goditur nga një automjet në fshatin Krushë e Madhe, më sak...
-
Peci ngriti kallëzim penal ndaj tij, reagon Kryetari i Forumit të Rinisë së LDK’së: I ka kapë panika
Kryetari i Forumit të Rinisë së LDK’së, Paris Guri, ka dalë me një reagim pas...
-
Moti i keq në vend, KESCO del me njoftim për ndërprerjet e rrymës
KESCO përmes një njoftimi në Facebook ka thënë se për shkak të kushteve atmos...
-
Shi i madh e erëra të forta në Prishtinë, lagjen Lakishte e “merr” uji
Shi i madh e erëra të forta e ka kapluar mbrëmjen e sotme në Prishtinë, shkru...
-
Sërish tërmet në Shqipëri, epiqendra shumë pranë Gjirokastrës
Një tërmet me magnitudë 3.6 i shkallës Rihter është shënuar pak minuta më par...
-
Aksident i rëndë në Prishtinë (PAMJE)
Një aksident i rëndë trafiku ka ndodhur para pak minutave në Prishtinë, shkru...
-
Ministri Peci, bën kallëzim penal ndaj zyrtarëve të LDK’së vetëm pse folën për grantet e të afërmve të Fitore Pacollit
Ministri i Bujqësisë, Faton Peci ka bërë kallxim penal ndaj kryetarit të ...
-
Bislimi takohet me Szłapka, flasin për progresin e Kosovës në rrugën e saj drejt BE-së
Zëvendëskryeministri i parë për Integrim Evropian, Zhvillim dhe Dialog i Repu...