Ekonomi

Kërkohet përkrahje më e madhe për eksport të produkteve vendore

Autori: Gazeta inFokus 14:36 | 11 Shtator 2018

Kryetari i Odës Ekonomike të Kosovës, Berat Rukiqi, ka theksuar rëndësinë e përkrahjes së eksportit në mënyrë që të ketë zhvillim të qëndrueshëm ekonomik të vendit.

Këtë e tha pas vizitës që i bëri ndërmarrjes prodhuese “Kosova Model” në Ferizaj.

Kjo kompani e dyerve dhe dritarve eksporton produkte në tregun e huaj, me partner kryesor Gjermaninë.

-Advertisement-

“Lidhur me këtë, u theksua rëndësia e përkrahjes së eksportit në mënyrë që të ketë zhvillim të qëndrueshëm ekonomik dhe angazhimit të përbashkët në adresimin e çështjeve që rëndojnë bizneset”, thuhet në njoftim të Odës Ekonomike.

Sipas OEK-ut, kompani të tilla duhet të fuqizohen duke u përkrahur në krijimin e partneriteteve ndërkombëtare dhe eliminimin e barrierave e krijimit të një mjedisi më të favorshëm për të bërë biznes.