Lajme

Gjilan, nis dezinsektimi i 58 shkollave

Autori: Gazeta inFokus 14:42 | 28 August 2018

Komuna e Gjilanit ka nisur sot dezinfektimin e të gjitha shkollave fillore dhe të mesme, proces ky i cili do të zgjas për tri ditë me radhë.

Drejtori i Shëndetësisë në Gjilan, Selami Xhemaili, ka njoftuar se sot do të dezinfektohen objektet shkollore në qytet, përderisa gjatë dy ditëve në vazhdim pritet të bëhet dezinfektimi në objektet shkollore në fshatra.

“Qëllimi ynë është që të ruhet shëndeti i nxënësve dhe personelit të shkollave. Sipas kërkesave të tyre, do ta bëjmë edhe deratizimin”, ka deklaruar Xhemaili.

-Advertisement-

Ndryshe, në njoftim thuhet se Drejtoria e Shëndetësisë në Gjilan gjatë verës ka bërë dezinsektimin e ambientit me tre faza, për të eliminuar mushkonjat dhe insektet tjera të bezdisshme.

Subscribe në YouTube: GAZETA INFOKUSI