Lajme

Komisioni LIBE të mërkurën diskuton për liberalizimin e vizave për Kosovën

Autori: Gazeta inFokus 13:01 | 28 August 2018

Ministrja e Integrimit Evropian, Dhurata Hoxha, të mërkurën do të jetë në Bruksel, ndërsa në Komisionin për Liritë Civile, Drejtësi dhe Çështje të Brendshme (LIBE) Bashkimit Evropian pritet të diskutohet për procesin e liberalizimit të vizave.

Ministrja Hoxha pas takimit të Këshillit Ndërministror për Integrim Evropian tha se pret mbështetje nga ky Komision, për të kaluar çështje e liberalizimit të vizave në Parlamentin Evropian.

“Nesër dhe pasnesër do të mbahet takimi i komitetit LIBE, dhe unë do të jem që nga sot në Bruksel me ç’rast do të takohem me eurodeputeten dhe raportuesen për liberalizimin e vizave me Kosovën, Tanja Fajon dhe presim lajme të mira që në LIBE që çështja e vizave për Kosovën të miratohet dhe të kalojë ky proces e të kaloj në hapin e radhës që është miratimi në seancën plenare të Parlamentit Evropian”, tha ministrja Hoxha.

-Advertisement-

Ndryshe, trajtimi i çështjes së vizave në mbledhjen e Komisionit për Liritë Civile, Drejtësi dhe Çështje të Brendshme (LIBE), që do të mbahet më 29 gusht, paraqet hapin e parë të vendimmarrjes për vizat, pas rekomandimit pozitiv të dhënë nga Komisioni Evropian (KE).

Subscribe në YouTube: GAZETA INFOKUSI