Sport

Ronaldo tregon pse erdhi në Juventus

Autori: Gazeta inFokus 12:49 | 11 August 2018

Sulmuesi i ri i Juventusit, Cristiano Ronaldo, e ka pranuar se edhe kur ishte fëmijë ëndërronte të luante për Juventusin dhe për të kishte qenë e pabesueshme pritja që i kishin bërë tifozët e kampionit italian.

Ylli portugez u largua këtë verë nga klubi madrilen për t’iu bashkuar Juventusit për 105.3 milionë euro. Ai i kishte shënuar 450 gola në 438 ndeshje për Real Madridin.

“Klub i mrekullueshëm, pikë së pari është një klub i mrekullueshëm. Që kur kam qenë fëmijë, e shikoja këtë skuadër dhe shpresoja të luaja për ta ndonjëherë. Tani, do të luaj për një klub të mrekullueshëm, një nga klubet më të mëdha në botë. Jam shumë i lumtur”, ka thënë Ronaldo.

-Advertisement-

“Nuk e kam një moment specifik kur vendosa të transferohem këtu. Ndër vite, kur luanim kundër Juventusit, e kisha një ndjenjë se tifozëve italianë u pëlqen Cristiano”.

“Është klubi më i madh në Itali, një ndër klubet më të mira në botë, kështu që ishte një vendim i lehtë”.

Subscribe në YouTube: GAZETA INFOKUSI