Lajme

Zëvendësministri i raporton Haradinajt për treguesit gjeografikë të ‘Djathit të Sharrit’

Autori: Gazeta inFokus 23:22 | 08 August 2018

Zëvendësministri në Ministrinë e Tregtisë dhe Industrisë, Faton Thaçi, ka raportuar te kryeministri se gjatë 100 ditëve të para si zëvendësministër ka zhvilluar takime miqësore me përfaqësues të ambasadave mike në Kosovë.

Thaçi ka thënë se është marrë edhe me pranimin dhe trajtimin e ankesave nga bizneset, “Lifkos” Sh.P.K, “Ushqimi”, KEDS, dhe nga kompania “Lira”.

“Për të përmbushur me sukses misionin tim si zëvendësministër në periudhën janar-mars 2018, për këtë periudhë me vetë iniciativë kam përcaktuar planin e objektivave/aktiviteteve me një numër masash të ndërlidhura me secilin prej tyre. Objektivat trasojnë rrugën që duhet ndjekur për përmbushjen e misionit, ndërsa masat – aktivitetet janë veprimtaritë që duhet të ndërmerren për arritjen e objektivave përmes planit të veprimit të aktiviteteve”, ka shkruar Thaçi në raportin e tij.

-Advertisement-

Thaçi ka raportuar se është angazhuar për regjistrimin e treguesve gjeografikë të Djathit të Sharrit.

Zëvendësministri Faton Thaçi në raportin 100 ditor të punës së tij dorëzuar kryeministrit, të cilin e ka siguruar KALLXO.com, ka evidentuar edhe pjesëmarrjen dhe prezantimin në tryezat e organizuara brenda dhe jashtë ministrisë.

Subscribe në YouTube: GAZETA INFOKUSI