Një hulumtim i Institutit Kombëtar të Shëndetësisë Publike, mbështetur nga OSHB-ja dhe Qendra Ndërkombëtare për Kontrollin e Sëmundjeve, ka nxjerrë të dhëna interesante për konsumin e duhanit në Kosovë.

Që nga viti 2004, përqindja e konsumit të duhanit dhe duhan-pirjes pasive është ulur thuajse përgjysmë, shkruan Gazeta Fokus.

“Konsumimi i duhanit prej 6.7% sa ishte në mesin e të rinjve të moshës 13-15 vjeçe më 2004, më 2016 ka rënë në 4.4%.

-Advertisement-

Duhan-pirja pasive prej 84% sa ishte në mesin e kësaj kategorie në ambiente të mbyllura më 2004, ka rënë ë 43.8% më 2016”, pati thënë zëdhënësi i Ministrisë së Shëndetësisë, Faik Hoti për Infokusin duke iu referuar të dhënave të këtij hulumtimi.

Kurse, Organizata Botërore e Shëndetësisë kishte treguar më parë se janë mbi 53 mijë fëmijëve në Kosovë të ekspozuar ndaj duhanit.

OBSH-ja kishte thënë se rreth 40 për qind e të rinjve në shkollë tymosin duhan. Sipas të dhënave të importit nga Dogana e Kosovës rreth 3 milionë copë cigare pihen nga kosovarët çdo vit.

E për tërë këto copë cigaresh, qytetarët shpenzojnë 62 milionë euro pa i llogaritur kështu taksat, shkruan Gazeta Fokus. “… derisa me taksa vlera e tyre arrin ne 164 milion euro”, pati treguar zëdhënësi i Doganave të Kosovës, Adriatik Stavileci.

Të dhënat e Doganës tregojnë se mbi 50 llojë të ndryshme të cigareve hyjnë çdo vit në Kosovë. Vendet nga të cilat importohet kryesisht janë: Polonia, Gjermania. Bosnja dhe Hercegovina, Bullgaria, Kroacia e Greqia.

Lloji i preferuar i cigareve për kosovarët në bazë të importit po del të jetë Marlboro e Lucky Strike. Pas tij vjen Ronhilli, Kent, Ronson si dhe Ëest.

Për të hyrë në Kosovë kompanitë importuese duhet të paguajnë në Doganën e Kosovës 41 euro akcizë për 1000 copë cigare.

Ndërkaq në vitin 2015 për hyrjen e këtij produkti në territorin e Kosovës janë paguar hiç më pak se 102 milion euro për akcizë./GazetaFokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-