Departamenti Amerikan i Shtetit të martën publikoi raportin vjetor mbi gjendjen e lirisë së besimit në 200 shtete të botës, në mesin e të cilave edhe për Kosovën e Shqipërinë, shkruan fokusi.com.

Në raportin për Kosovën janë paraqitur ankesat e të gjitha besimeve fetare karshi komunës dhe institucioneve të tjera dhe dëmtimi i objekteve fetare.

Diskriminimi në vendin e punës, është përmendur rasti i një mësueseje myslimane në një shkollë në Prizren e cila kishte refuzoi ta heq shaminë në punë.

-Advertisement-

Apo rasti i murgjve serbë të cilat janë ankuar se komuna e Prishtinës nuk u ka lejuar të punojnë në kishën e papërfunduar në Prishtinë.

Kisha Ortodokse serbe është ankuar se ministri i Kulturës nuk ka dhënë leje për rindërtimin e një tempulli në Prizren, ndërsa autoritetet në komunën e Deçanit kanë refuzuar zbatimin e vendimit të Gjykatës Kushtetuese lidhur me pronat e manastirit mesjetar të Deçanit

Sipas këtij raporti ne Kosovë jetojnë rreth 1.9 milion banorë nga ta 95.6 për qind janë myslimanë, 2.2 për qind katolikë si dhe 1.4 për qind i përkasin besimit ortodoks.

Ndërsa incidente të dëmtimeve të pronës fetare, vjedhje dhe grafite gjatë vitit 2017 në Policinë e Kosovës janë raportuar 44. Rastet përfshinin 21 raste më komunitetin islam, 20 kishën ortodoksë serbe dhe 3 në kishat katolike.

Udhëheqësit e grupeve të ndryshme fetare kanë raportuar në përgjithësi marrëdhënie të mira me njëri tjetrin dhe kanë marrë pjesë në diskutime për shqetësimet e përbashkëta.

Grupet fetare janë ankuar se autoritetet nëpër komuna shpesh nuk u ofrojnë të drejta dhe përfitime të barabarta, posaçërisht kur bëhet fjalë për pronat e tyre dhe vendvarrimet.

Gjendja e njëjte është raportuar edhe në Shqipëri. Qeveria amerikane vlerëson se nga 3 milionë sa është popullsia në Shqipëri, sipas regjistrimit të vitit 2011 myslimanët sunni përbëjnë 57 për qind të popullsisë, katolikët 10 për qind, ortodoksët afro 7 për qind, dhe bektashinjtë 2 për qind.

Në këtë raport thuhet gjithashtu se ndërmjet muajve janar dhe maj, qeveria trajnoi 29 mësues në 15 shkolla si pjesë e një projekti provues arsimor për të ndihmuar parandalimin e radikalizmit dhe për të nxitur tolerancën fetare. Megjithatë, zbatimi i plotë i programit ngeci në muajin maj dhe e ardhmja e tij është e paqartë./FOKUS

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-