Lajme

Gjykata planifikon deri në qershor të përfundojë gjykimin ndaj Shukri Bujës

Autori: Gazeta inFokus 06:43 | 18 Maj 2018

Procesin gjyqësor ndaj ish-kryetarit të Komunës së Lipjanit, Shukri Buja, si dhe ndaj nëntë të akuzuarve të tjerë për korrupsion, gjykata po planifikon që ta përfundojë deri në muajin e ardhshëm, shkruan sot Koha Ditore. Së paku kështu ka deklaruar kryetari i trupit gjykues, Beqir Kalludra, të enjten me të filluar shqyrtimi kryesor. Ky rast është duke u trajtuar me prioritet pasi është i shënjestëruar për liberalizimin e vizave.

Pikërisht për këtë ka reaguar edhe mbrojtja e Bujës, duke thënë se gjykata po tenton ta përfundojë lëndën me nguti.

Gjatë kësaj seance është prezantuar fjala hyrëse, si dhe janë dëgjuar dy dëshmitarë.

-Advertisement-

Në shkurt të vitit të kaluar, Buja është akuzuar nga Prokuroria Speciale për keqpërdorim të detyrës zyrtare dhe për marrje ryshfeti. Edhe tetë ish-zyrtarët komunalë: Hasim Viseshella, Edmond Rexhepi, Bajram Rizani, Driton Avdiu, Burim Kodra, Nebih Zeqiri, Halit Gashi e Magbule Sadiku akuzohen për keqpërdorim të detyrës zyrtare.