Parfumi është një produkt i nuhatjes që zbulon personalitetin, karakterin, emocionet. Për të gjetur aromën që ju përshtatet dhe ju zbukuron, mësoni se si duhet të lexoni sekretet e një parfumi.

Duhet të dini se çfarë ju pëlqen
Kur kërkoni aromën tuaj, duhet të arrini të përcaktoni esencat që ju pëlqejnë. Parfumi mund të jetë me esenca lulesh, frutash, qelibari, pyjesh. Përzgjedhja e parfumit shpeshherë është e vështirë. Kriteret ndryshojnë sipas lëkurës, emocioneve, kujtimeve, personalitetit. Testoni parfumin Çdo lëkurë duhet të ketë aromën e vetë. avujt ndryshojnë në varësi të llojit të lëkurës sepse epiderma ka për tendencë të transformojë karakteristikat e një arome. Për të ditur nëse një parfum ju përshtatet, testojeni në pjesët me rrahje të pulsit (në qafë, në puls), pastaj prisni gjysmë ore. Atëherë do të zbuloni personalitetin e vërtetë të këtij parfumi, të gjurmës që lë ai dhe sa ju përshtatet juve. Nuk është e këshillueshme të testohet parfumi në kurrizin apo pëllëmbën e dorës. Gjithashtu nuk duhet të spruconi aromën tuaj në afërsi të bizhuterive sepse metali acidifikon lëkurën në vendin e kontaktit. Si të kuptoni notat e parfumit Parfumi ka arkitekturën e vetë. Ai konceptohet sipas një piramide të nuhatjes që ndahet në tre pjesë: notat e kokës (ato që ndjehen që në momentin e avullimit, të cilat janë të freskëta dhe të paqëndrueshme, notat e zemrës (më sensuale, ato shfaqen afërsisht pas 10 minutash) dhe më në fund notat bazë (të rënda dhe të qëndrueshme, ato bëjnë që parfumi t’i rezistojë kohës. Vetëm pas një ore, pikërisht atëherë kur zbulohen të tre notat, mund të njihet aroma e vërtetë e një parfumi. Përzgjedhja e formulës së duhur Kolonjë, parfum, deodorant, vaj i parfumuar apo krem…nuk është e lehtë të përzgjidhet formula më e përshtatshme aromatike. Duhet theksuar se për jetën e përditshme, kolonja është ideale sepse ajo lë gjurmë të përmbajtura. E njëjta gjë ndodh me kremërat dhe pudrat të cilat e aromatizojnë lëkurën me delikatesë. Për një aromatizim më të qëndrueshëm, është më mirë të përdoret parfumi, një gardërobë e mirëfilltë aromatike që do t’ju veshë gjatë gjithë mbrëmjes. Parfumimi në vendin e duhur Rëndom thuhet se parfumi duhet të hidhet atje ku do të dëshironit që t’ju puthin. Për të bërë efekt, parfumoni pjesët e dukshme: qafën, dekolëtenë, pjesën pas veshit, kyçin e dorës… Mund të parfumoni edhe rrobat që ato të kenë një aromë delikate. Megjithatë, parfumi duhet të përdoret me zgjuarsi. Dy – tre sprucime mjaftojnë për të pasur erë të mirë gjatë gjithë ditës.

Si të konservohet parfumi Parfumit nuk i pëlqejnë drita, ndryshimet e temperaturës, nxehtësia… Parfumi duhet të ruhet nga lagështia duke u mbajtur në kutinë e tij. Një parfum i mirë-konservuar ka një jetëgjatësi nga dy deri në 5 vjet. Megjithatë, në rast se parfumi është filluar, prania e ajrit e ndryshon përmbajtjen duke ndryshuar natyrën e saj. Një shishe parfumi e pahapur mund ta ruajë aromën për disa vjet. Mund të ndodhë që të ndryshojë ngjyra e parfumit, gjë që nuk do të thotë se ka ndryshuar aroma. Shkurt 5 këshilla për të mirë-zgjedhur parfumin tuaj: 1 – Përzgjidhni parfumin sipas personalitetit tuaj 2 – Provoni parfumin 3 – Zgjidhni formulën e duhur 4 – Parfumohuni në mënyrë të përmbajtur 5 – Konservoni parfumin siç duhet

-Advertisement-

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-