Sport

Kombëtarja U-16 fiton trofeun “UEFA DEVELOPMENT”

Autori: Gazeta inFokus 13:50 | 24 April 2018

Kombëtarja shqiptare e futbollit e moshës U-16 ka triumfuar edhe ndaj San Marinos vendas me rezultatin 3-1, në ndeshjen e fundit të vlefshme per turneun miqësor të futbollit “UEFA DEVELOPMENT U-16”, shkruan infokusi.

Takimi i tretë është luajtur këtë të martë në orën 11:00 në stadiumin “Montecchio Stadium”, në San Marino.
Me këtë rezultat, kuqezinjtë e drejtuar nga trajneri Dzemal Mustedanagic kanë grumbulluar pas tre ndeshjesh 8 pikë duke u renditur në vendin e parë dhe kështu shpallen fitues të këtij turneu.

Përfaqësuesja jonë edhe në këtë ndeshje ka bërë një paraqitje shumë të mirë, duke pasuar rezultatet e dy ndeshjeve të para, zhvilluar në këtë turne, fitores me penallti ndaj Italisë (4-3) dhe fitoren në kohë të rregullt ndaj Armenisë (2-0).

-Advertisement-

LEXO EDHE: Liverpool-Roma, formacionet e skuadrave

Ndeshja e luajtur sot përballë San Marinos ka qënë interesante dhe skuadra shqiptare e ka përmbysur rezultatin, teksa pjesa e parë përfundoi me avantazhin e San Marinos 0-1. Në fraksionin e dytë të ndeshjes futbollistët kuqezinj kanë reaguar menjëherë duke shënuar tre gola, në minutat e’48-të, ’78-të me anë të Papës dhe në të ’74-tën shkojnë në gol me Sulovarin.

Përfundimisht 3-1 dhe skuadra kombëtare U-16 vjen me trofe nga San Marino. Starti në tre takimet e këtij turneu ishte shumë pozitiv, pasi Shqipëria kaloi me 11-metërsha ekipin e fortë të Italisë në këtë moshë. Në sfidën e sotme, trajneri Mustedanagic hodhi në fushë këtë formacion: Ceka (c), Shehu, Zaimi, Kadriaj, Doda, Sulovari, Beqiri, Elbasani, Vasjari, Kuqi, Nikaj. /infokusi.com

Rezultatet e ndeshjeve të luajtura:

Shqipëria U-16 1-1 Italia U-16 (4-3) me penallti
Shqipëria U-16 2-0 Armenia U-16
Shqipëria U-16 3-1 San Marino U-16

Renditja:
Shqipëria 8 pikë
Italia 7 pikë
San Marino 2 pikë
Armenia 1 pikë

Subscribe në YouTube: GAZETA INFOKUSI