Sport

Gjeraj parashikon fituesin e ndeshjes Besa – Drita

Autori: Gazeta inFokus 13:30 | 07 April 2018

Besa gjendet në pozitën e dhjetë me 18 pikë, Drita është e para me 47, por ky fakt nuk e zbeh interesimin për ndeshjen ndërmjet këtyre dy skuadrave, madje është shumë vështirë të parashikohet epilogu.

LEXO EDHE: Akili eliminohet në çerekfinale

Pejanët në javët e fundit kanë pasur paraqitje të mira dhe shpresojnë të vazhdojnë në të njëjtën mënyrë, pa marrë parasysh rivalin. Mbrojtësi, Robert Gjeraj, beson se skuadra e tij mund ta mposhtë Dritën dhe të rrisë shpresat për të mbijetuar në Superligë.“Vijmë pas dy ndeshjeve në të cilat treguam lojëra të mira dhe shpresoj të vazhdojmë në këtë mënyrë. Nuk ka dyshim se do të angazhohemi maksimalisht, sepse nuk kemi alternativë tjetër veç fitores”, ka thënë Gjeraj për Insporti.com. Ai e respekton lart rivalin e nesërm, por njëkohësisht beson se pikët do të mbesin në Pejë.

-Advertisement-

“Drita ka një super ekip dhe super tifozëri, por unë jam optimist se nga kjo ndeshje do të dalim me rezultat pozitiv”, ka shtuar Gjeraj. Ndeshja ndërmjet Besës e Dritës zhvillohet nesër në stadiumin “Shahin Haxhiislami” në Pejë dhe fillon në orën 14:00.

Subscribe në YouTube: GAZETA INFOKUSI