Dy klubet më të suksesshme në futbollin italian takohen për herë të 22-të, nesër (e shtunë) në Torino, shkruan infokusi.

Kjo përplasje është jetike për të dyja palët, por në rrethana të ndryshme.  Juventus do të shpresojë të shtojë epërsinë e tyre ndaj Napolit të cilët rënditen në pozitën e dytë të Serie A, ndërsa Milan do të shpresojë se mund të atakoj pozitën e katër ku rënditet Interi.

Juventus në takimin e fundit arriti një rezultat të papritur ku barazoi me SPAL  0-0, ndërsa Rossonerët fituan ndeshjen e  fundit kundër Chievo me rezultatin 3:2.

-Advertisement-

Bianconerët do të hyjnë në këtë takim me rezultate fantastike duke fituar 14 nga 16 ndeshjet e fundit të Serie A. Ata janë gjithashtu të pamposhtur, në 24 takime.

Vizitorët janë në një formë të shkëlqyer, duke arritur serinë prej 10-të ndeshjeve të pamposhtur në Serie A, dhe duke  fituar pesë të fundit. Megjithatë, ata mund të jenë në testin e tyre më serioz të sezonit, kur kemi parasysh se do të përballen me një Juventus që nuk ka pranuar një gol të vetëm në vitin 2018.

Beteja kryesore

Paulo Dybala kundër Leonardo Bonucci

Të dy lojtarët e njohin mirë njëri-tjetrin pasi kanë kaluar  tre sezone së bashku në Torino. Por si do të ballafaqohen ata kundër njëri-tjetrit në këtë përplasje?

Dybala shënoi një penallti diskutabile në minutën e 97-të në ndeshjen e fundit për të rrëmbyer të tre pikat nga duart e Milanit. Megjithatë, skuadra e kuqezinjve që pritet të fillojë të shtunën kundër Juve do të jetë një tjetër skuadër me atë që filloi ndeshjen në sezonin e kaluar. Gianluigi Donnarumma dhe Alessio Romagnoli ishin emrat e vetëm në formacionin e skuadrës në humbjen e sezonit të kaluar me rezultatin 2-1.

Ndërsa Bonucci do të ketë më të vështirë në këtë takim, le të shpresojmë se ai është i përgatitur për një pritje armiqësore nga tifozët e Juventusit.

Lajmet e ekipit

Giorgio Chiellini, Sami Khedira dhe Alex Sandro të gjithë pritet të jenë të gatshëm për këtë përballje.

Sa i përket skuadrës së Rino Gattuso, Alessio Romagnoli është rikthyer në sencat stervitore dhe pritet të jetë në formacion.

Formacionet e mundshme:

Juventus: Buffon, Lichtsteiner, Chiellini, Rugani, Alex Sandro, Khedira, Pjanic, Matuidi, Dybala, Douglas Costa dhe Higuain.

AC Milan : Donnarumma, Borini, Bonucci, Romagnoli, Rodriguez, Kessie, Biglia, Calhanoglu, Bonaventura, Cutrone dhe Suso.

Parashikim

Dy skuadrat janë në formë të mirë në Serie A, dhe të dyja do të kërkojnë rezultat pozitiv. Duke u bazuar në formacionet startues nuk ka vend për kalkulime, edhe Juventus edhe Milan do të kërkojnë fitore në këtë përballje të rëndësishme. /infokusi.com

Përballja Juventus – Milan zhvillohet sonte me fillim nga ora 20:45.

Rezultati final: Juventus – Milan 1:1.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-