Lajme

Thaçi: Të ruhet fryma e dialogut me Serbinë

Autori: Gazeta inFokus 16:27 | 27 March 2018

Presidenti i vendit, Hashim Thaçi, ka bërë sërish ftesë që të respektohet dhe ruhet fryma e dialogut në mes Kosovës dhe Serbisë.

Ai ka shprehur keqardhje për ngjarjet e së hënës, që sipas tij e kanë trazuar paqen dhe kanë shqetësuar komunitetet e Kosovës, por i ka ftuar të gjithë që ta ruajnë arsyen, shkruan Infokusi.

Lidhur me daljen e Listës Serbe nga Institucionet e Kosovës, Thaçi ka thënë se ka pasur edhe më herët provokime nga shteti i Serbisë e që sot u konfirmua.

-Advertisement-

Presidenti Thaçi këto i ka bërë të ditura përmes një deklarate për media ku ndër të tjera ka thënë se duhet të mbesim të fokusuar në normalizimin e marrëdhënieve, në ndërtimin e fqinjësisë së mirë dhe në pajtim.

Ai gjithashtu njoftoi edhe për takimin me Përfaqësuesen e Lartë të BE-së, Federica Mogherini.

“Përfaqësuesja e Lartë e BE-së më njoftoi se sot do të udhëtojë në Beograd për të takuar Presidentin e Serbisë, Aleksandar Vuçiq, për t’ia bartur edhe atij mesazhin e njëjtë se dialogu dhe pajtimi janë e vetmja rrugë përpara”, ka thënë Thaçi. /INFOKUSI.COM/

Subscribe në YouTube: GAZETA INFOKUSI