FOKUSI NË BUJQËSI

Murrizi, karakteristikat dhe vetitë shëruese

Autori: Gazeta inFokus 10:20 | 07 March 2018

Murrizi është një bimë e fortë me lule marsi të bardha si bora, që as bryma e akullt nuk i vyshk. Frytet e tij kanë cilësi qetësuese, zbusin gjendjen e ankthit dhe janë shumë të dobishme. Kjo shkurre vjeshtore me gjemba rritet ne vende të thara e me gurë, në shpatet e pyjeve me bung dhe ah.

Murrizi ndihmon në rastin e tensionit të ulët dhe të lartë të gjakut, pagjumësisë e nervozizmit. Preparatet nga kjo bimë janë të mira kundër aritmive të zemrës, ndikojnë si diuretikë të lehtë dhe reduktojnë stresin. Kjo bimë ndihmonë edhe në në shërimin e shtypjes së lartë të gjakut dhe ngërçeve të mitrës.

Ekzistojnë rreth 280 lloje të ndryshme, por karakteristika shëruese kanë murrizi i kuq dhe i bardhë. Lëvorja e murrizit ka ngjyrë të hirtë, ndërsa gjethet kanë tre ose pesë rremba. Fryti është i fortë me një farë te murrizi i bardhë ndërsa murrizi i kuq ka dy-tri fara. Murrizi i bardhë është lloji më i përhapur. Për shërim ose zbutje të problemeve të ndryshme përdoren lulet e thara, gjethet dhe fruti i pjekur.

-Advertisement-

Murrizi përmban shumë substanca shëruese, e më të rëndësishmet janë flavonoidet, të cilat gjinden më së shumti në lule dhe gjethe. Përmban edhe amine, katehinë dhe sterole. Frytet përmbajnë më shumë sheqer, acide organike, karetonoide dhe vitaminë C.

Shënimet e para për karakteristikat shëruese të lules së murizit janë bërë në shekullin e 14, ndërsa analizat kimike dhe farmaceutike kanë filluar në shekullin e 19. Ekspertët rekomandojnë që pas pesë deri në shtatë ditë terapi me murriz, të bëhet një pushim prej dy deri në tri ditë, sepse përdorimi i gjatë dhe i përditshëm i murrizit mund të shkaktojë mundim, madje edhe helmim.

Murrizi është bimë që i reziston shekujve dhe është e përshtatshme për gardhet ndarëse midis kopshteve, duke evituar ndërtimin e mureve me tulla.

Subscribe në YouTube: GAZETA INFOKUSI