Trajneri i mirënjohur  Bylbyl Sokoli para pak ditëve është zyrtarizuar si trajner i skuadrës nga Liga e Parë e futbollit kosovar, Ferizaj, shkruan infokusi.

Skuadra e Ferizajt është anëtare e ligës së parë të Kosovës e cila në edicioni 2017/2018 rënditet në pozitën e pestë me 29-të pikë të tubuara.

Vet transferimi i trajnerit Bylbyl Sokoli tregon aspiratat dhe qëllimet e klubit, misioni i Sokolit do të jetë rikthimi i Ferizajt në Vala Superligë.

Por sa do të ketë suksese kur kemi parasysh historinë e strategut me disa skuadra të mëdha të Kosovës mbetët të shihet.

KEK-u – Kur ai ishte te KEK-u, kjo skuadër luftonte edhe për titull në edicionin 2009/2010. Pas largimit të tij, një vit më vonë, KEK-u ra nga Liga.

DRENICA – Kur ai mori Drenicën, skuadra bënte lojë të mirë dhe u bënte konkurencë shumë klubeve, sidomos Prishtinës. Që nga largimi i tij, skuadra luftonte për mbijetesë dhe atë e siguronte në ndeshjet e fundit.

FERIZAJ – Ferizajin e inkuadroi në Superligë, ia rregulloi infrastrukturën, madje e dërgoi në finale të Kupës. Në sezonin vjeshtor luftoi për titull kampioni, më pas u largua. Ferizaj në atë sezon ishte në pjesën e epërme, përkundër problemeve financiare që e përcollën pas largimit të  tij. Një vit më pas, Ferizaj u rikthye në Ligën e Parë të Kosovës.

PRISHTINA – Bylbyl Sokoli, në vitin 2014 u bë trajner i FC Prishtinës.  Ai këtë herë dështoi, duke mos fituar asnjë trofe me klubin më të madh në vend.  Por, krahas kësaj, një vit më pas klubi nuk transferoi asnjë lojtar me emër. Kjo bëri që kryeqytetasit të luftojnë për mbijetesë, me shpresën se nuk do t’i ndjek fati i KEK-ut dhe Ferizajit.

GJILANI-  Trajneri Bylbyl Sokoli është larguar nga Gjilani shkaku i rezultateve të dobëta në Superligën e Kosovës në futboll, në prill të vitit 2016-të.

VLLAZNIA- Bylbyl Sokoli u largua nga Vllaznina në vitin 2017-të pas humbjes prej 1:0 nga Llapi, në kaudër të DigitALb Kupës. Në pesë ndeshjet që Sokoli drejtoi Vllazninë, mori një barazim dhe katër humbje, duke mbetur në vendin e fundit me vetëm pesë pikë të tubuara.

Duhet theksuar se Bylbyl Sokoli di të jetë edhe kampion. Ai me skuadrën e KF Besiana nga Podujeva ishte shpallur kampion në vitin 2001-2002 .

Kujtojmë se Profa ishte edhe trajner i shumë skuadrave të mëdha si Renova (Maqedoni) Flamurtari, Drita, Hysi etj. /INFOKUSI.COM

Spektakli i Vitit, Ekskluzivisht në Artmotion – BBVK3!

Sponsoruar