Kur Apple pranoi që me qëllim ngadalësoi iPhone më të vjetër, kështu që përdoruesit do të kishin një “përvojë më të mirë” dhe një “sistem të qëndrueshëm” për të punuar, shumë njerëz nuk e pëlqenin këtë, veçanërisht sepse e përjetuan këtë praktikë si një presion për të blerë iPhone e ri.

Kryeshefi i Apple Tim Cook ka njoftuar se përdoruesit e pajisjeve të vjetra do të jenë në gjendje të zgjedhin nëse duan që pajisja e tyre të ngadalësohet për një operacion më të qëndrueshëm, ose do të rrezikojnë që sistemi të pritet në këmbim të përdorimit më të shpejtë të pajisjes.

Por, përveç marrjes së zgjedhjes së duhur, përdoruesit e iPhone më në fund do të marrin atë që përdoruesit Mac kanë që nga fillimi – informacionet rreth shëndetit të baterisë së tyre dhe rekomandimin që bateria të zëvendësohet.

-Advertisement-

Apple ka qenë e heshtur për vite me radhë se bateria e tyre po humb në fuqi, se po i bie kapaciteti dhe kohëzgjatja, transmeton KosovaPress.

Përdoruesit as në App Store nuk mund të shkarkojnë aplikacione që do t’i ndihmonin të përcaktojnë shëndetin e baterisë së tyre. Kompania e justifikoi atë për arsye sigurie, por gjithnjë e më shumë njerëz janë të bindur se Apple aktualisht fsheh informacionin kritik – numrin e cikleve të mbushjes.

Ky informacion zbulon sa herë bateria është zbrazur dhe mbushur, p.sh. sa është bateria “e shëndetshme” dhe sa kohë mund të zgjasë.

Fakti është se të gjitha bateritë në telefona të mençur me kalimin e kohës humbin kapacitetin dhe qëndrueshmërinë.

Disa prodhues po përpiqen të kompensojnë softuerin më të mirë, të tjerët investojnë në zhvillimin e çipave që funksionojnë më racional në bateri.

Problemi është se Apple duket se ka bërë gjithçka të mundur për ta bërë të vështirë për përdoruesit të ndryshojnë, zëvendësojnë ose kontrollojnë “shëndetin” e baterisë.

Apple ka zvogëluar kostot e zëvendësimit të baterive, por do të shihet nëse kjo do të jetë e mjaftueshme për të rifituar besimin e përdoruesve.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-