Lajme

Operacion ndërkombëtar antikanabis

Autori: Gazeta inFokus 21:21 | 26 January 2018

Policia e Shtetit njoftoi sot mbi operacionin ndërkombëtar të kapjes në Foxhia të Italisë, të një gomone me drogë, të nisur nga Mali i Zi.

“Shtetasit me iniciale A.B. 40 vjeç dhe K.B., 53 vjeç nga Vlora të arrestuar në flagrancë për trafik ndërkombëtar narkotikësh, kanë kaluar në datë 22 janar 2018, në orën 14:42 minuta dhe 15:34 në pikën e kalimit kufitar të Muriqanit drejt Malit të Zi”, thuhet në njoftimin për shtyp të Policisë së Shtetit.

Bazuar në informacionet për implikim të mundshëm në aktivitet kriminal, Policia shqiptare njoftoi homologët malazezë për lëvizjet e dy të dyshuarve. Sipas policisë, ata u mbajtën nën vëzhgim për 3 ditë me radhë në territorin e Malit të Zi.

-Advertisement-

“Me daljen e gomones në det u angazhuan forcat e Guardia di Finanzas dhe policitë kufitare të 3 vendeve si dhe Frontex. Pas disa ore ndjekje, trafikantët kanë hedhur në det lëndën narkotike dhe janë larguar duke tentuar arratisjen, por pa sukses”, vijon njoftimi.

Sipas Policisë, po vijojnë hetimet për zbardhjen e rastit të trafikimit ndërkombëtar të narkotikëve.TEMAT:

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy