Del në ankand limuzina e Hitlerit
Autori: Gazeta inFokus 11:40 | 12 January 2018
Më 17 janar do të shitet në ankand në SHBA një nga limuzinat e Adolf Hitlerit, me të cilat ai shfaqej në parada.
Në shtetin amerikan të Arizonës ofrohet në ankand limuzina e Hitlerit, e prodhuar në firmën Daimler-Benz në Sindelfingen në periudhën 1938 – 1939. Fakti që automjeti që Hitleri përdorte në parada ofrohet tani për shitje në gjendje shumë të mirë, konsiderohet vërtet si një sensacion – dhe për këtë shitje në ankand po diskutohet po aq shumë sa edhe për gjërat e tjera që lidhen me diktatorin gjerman.
Historia e automjetit me targën 1A 148461 është dokumentuar në mënyrë të përpiktë. Shoferi i Hitlerit, SS-Obershturmbanfyhreri Erich Kempka, është kujdesur personalisht për porositjen e makinës, e cila u dorëzua në fund të korrikut 1939, pak para fillimit të luftës.
Një automjet superlativ
Baza për limuzinën e fyhrerit ishte modeli 770 K “Mercedes i Madh”. Automjeti qe gjashtë metra i gjatë dhe ofronte vend për deri në tetë vetë. Ai kishte një motor me tetë cilindra. Makinës së Hitlerit iu shtuan një sërë elementesh sigurie. Sipas dokumenteve dritaret përbëheshin prej xhami antiplumb 40 mm të trashë, karroceria ishte prej çeliku të blinduar 18 milimetrësh.Për shkak të blindimit pesha e makinës qe pothuajse pesë ton, dhe ajo harxhonte 38 litra për 100 kilometra, gjë që sot duket e pabesueshme. Me një kapacitet prej 300 litrash, ajo mund të përshkonte megjithatë me një mbushje distanca të gjata.
Ndryshime pronarësh
Hitleri e përdori Mercedesin si makinë kryesore për paradat, si ajo në vitin 1940, kur u festua fitorja mbi Francën, ose gjatë vizitës së diktatorit italian Benito Musolini, kur të dy u shfaqën krah për krah nëpër rrugët e Mynihut. Mercedes i Hitlerit ishte një simbol propagandistik i nazistëve dhe prandaj është i pranishëm në shumë filma dhe foto bashkëkohore.
Por kur fati i luftës së Hitlerit mori fund, më së voni në vitin 1942, nuk u zhvilluan më parada me makina. Në përfundim të luftës limuzina u sekuestrua nga forcat amerikane në Francë, por ushtarët nuk dinin asgjë për pronarin e asaj makine. Pas luftës makina qe shkurtimisht pronë e një belgu, më pas u shit në SHBA, ku ndryshoi disa herë pronarët e pastaj u kthye prapë në Evropë. Shoqëria e ankandit nuk e ka bërë publike se cili është për momentin i zoti i makinës.
Dhjetë për qind e të ardhurave nga shitja e makinës së Hitlerit do të rrjedhin në projekte për historinë e nazizimit dhe të holokaustit./DW
Të tjera
-
Kurti takon zëvendëspresidentin e MCC-së, gjatë ditës ceremonia e firmosjes së ujdisë
Kryeministri Albin Kurti, priti në takim zëvendëspresidentin në Korporatën e ...
-
Osmani bënë homazhe në nderim të martirëve e dëshmorëve të UÇK-së
Presidentja e Kosovës, Vjosa Osmani ka bërë homazhe në Vërboc dhe Shtuticë, n...
-
Dëshmitari Abazi thotë se Thaçi ka qenë udhëheqës politik në UÇK, por nuk e ka takuar kurrë
Nuredin Abazi i cili është duke dëshmuar në Hagë në rastin ndaj ish-krerëve t...
-
Osmani për Ilaz Kodrën: Gardian i lirisë
Presidentja e Kosovës Vjosa Osmani, e ka kujtuar në 25 vjetorin e rënies hero...
-
Gjermani: Shqiptari dyshohet se v*au serbin për një borxh prej 15 mijë eurosh
Një ngjarje e rëndë ndodhi të dielen në Dusseldorf të Gjermanisë. Një burr...
-
Konjufca: Projektet e MCC-së me ndikim pozitiv në mirëqenien e qytetarëve
Kryetari i Kuvendit të Republikës së Kosovës, Glauk Konjufca, priti sot në ta...
-
E rëndë: I riu në Klinë dyshohet se kreu marrëdhënie se*suale me motrën 14 vjeçare
Një person është arrestuar nga policia, pasi që dyshohet se ka kryer marrëdhë...
-
Homazhe për nder të figurës së Ali Lajçit në Kuvend të Kosovës
Në hollin e Kuvendit të Kosovës sot po mbahen homazhe për ish-deputetin Ali L...
-
Përbërja e re e Qeverisë serbe: Daçiq ministër i Brendshëm, Vulin zv/kryeministër
Mandatari për formimin e Qeverisë së Serbisë, Millosh Vuçeviq, propozoi të hë...
-
Kryeziu: Mungesa e progresit në dialog s`është për shkak të të dyja palëve
Zëdhënësi i Qeverisë së Kosovës, Përparim Kryeziu, ka thënë se është një zhvi...
-
Prezantohet kabineti i ri qeveritar në Serbi, i sanksionuari i Amerikës do të jetë zëvendëskryeministër
Mandatari për krijimin e Qeverisë së Serbisë, Millosh Vuçeviq ka prezantuar p...
-
Makina godet një këmbësor në Lluzhan të Podujevës
Policia e Kosovës ka njoftuar se ka arrestuar një person pasi dyshohet se nga...