Sport

Edon Zhegrova, talenti i madh nga Kosova!

Autori: Gazeta inFokus 13:20 | 09 January 2018

Goal.com ka bërë një shkrim të gjatë për Edon Zhegrovën, ku përshkruhet jeta e tij private dhe karriera futbollistike. “I lindur në Gjermani, i rritur në Kosovë, por ka filluar karrierën në Belgjikë. Edon Zhegrova është një nga talentet më të mëdhenj në Evropë” fillon shkrimi i Goal.com

18-vjeçari që po njihet si “Messi i Kosovës” ka lindur në Gjermani. Prindërit e tij kishin ikur në Gjermani për shkak të luftës ballkanike. Por, si një dy vjeçar kur lufta mbaroi, ai u kthye me familjen e tij në atdheun e Kosovës. “Nuk kam të bëj asgjë me Gjermaninë,” thotë Zhegrova sot, shkruan kjo gazetë.

Më tutje përmenden paraqitjet e tij fantastike te Genk dhe interesimi i menjëhershëm i disa skuadrave evropiane si: Barca, PSG dhe Arsenal. “Edhe Barcelona ishte e interesuar për Zhegrovën” kishte daklaruar babai i Edonit në mars 2018.

-Advertisement-

Pesë paraqitje në ligë, katër prej tyre në formacionin startues, ndërsa në barazimin 1-1 kundër Eupen, Zhegrova arriti të shënoj golin e tij të parë. Në ndeshjen përgatitore më të fundit kundër Schalke 04, ai filloi të bënte magji me topin. Talent i rallë, i arritur me shumë punë.

“Jam shumë i ngazëllyer, aventurat e reja po më presin,” tha Zhegrova, duke shpresuar për arritje më të mëdha në të ardhmën: “Ëndrra ime është Barcelona” shkruan Goal.com.

Zhegrova tha disa muaj më parë se edhe ekipi kombëtar U21 i Kosovës më ka ftuar. “Më kanë ftuar, por unë nuk ndihem për U21”, deklaroi ai me besim, por, disa po më thoshin arrogant. Nëse trajneri i Kosovës do ta thërriste në ekipin kombëtar A, ai do të mendonte për të, përfundon shkrimi special i Goal.com për Edon Zhegrovën.