Sport

Marcelo shpjegon çfarë po ndodh me Realin

Autori: Gazeta inFokus 17:16 | 08 January 2018

Mbrojtësi i Real Madridit, Marcelo, ka folur për media pas barazimit 2-2 në Balaidos kundër Celta Vigos, rezultat që e ngriti epërsinë e Barcelonës në 16 pikë ndaj madrilenëve, të cilët gjenden në pozitën e katërt në tabelën e La Ligas.

Braziliani tha që Reali është në gjendje të vështirë dhe nuk po arrin ta tejkalojë këtë situatë, por po bën ç’është e mundur për të zhvilluar ndeshje të mira.

“Sa më shumë që humbim pikë, aq më shumë rritet presioni. Nuk kemi çfarë të bëjmë më shumë, duhet të dalim e të vrapojmë”, tha Marcelo.

-Advertisement-

Barcelona tashmë llogaritet favorit absolut për titullin në Spanjë, pasi përveç epërsisë me pikë, edhe kalendari u garanton ecuri më komode në kampionat.