Lajme

Lekaj konfirmon: Unë, Ahmet Isufi e Memli Krasniqi jemi takuar me Konjufcën

Autori: Gazeta inFokus 15:45 | 04 January 2018

Para disa ditëve disa prej zyrtarëve të koalicionit PAN kanë zhvilluar një takim me shefin e grupit parlamentar të Lëvizjes Vetëvendosje, Glauk Konjufcën. Në takim është folur për disa prej zhvillimeve të fundit në vend.

Pal Lekaj në një prononcim për Gazetën Express nuk ka treguar nëse kanë kërkuar mbështetjen e VV-së për shfuqizimin e Speciales.

Pal Lekaj, Ahmet Isufi e Memli Krasniqi kanë qenë nikoqir të një takimi para Vitit të Ri me shefin e grupit parlamentar të LVV’së, Glauk Konjufca. Takimi është mbajtur në njërin prej lokaleve në Prishtinë.

-Advertisement-

Kështu ka bërë me dije Ministri i Infrastrukturës nga radhët e AAK-së, Pal Lekaj.

Ai ka thënë se në takim është biseduar rreth zhvillimeve të fundit në vend e po ashtu edhe në LVV pa specifikuar qartë se për çfarë është biseduar apo edhe a është marr ndonjë vendim.

“Për këto ditë nuk e di nëse ka pas takime. Por para vitit të ri jemi takuar unë, Ahmet Isufi e Glauk Konjufca me Memli Krasniqin”, ka thënë Lekaj për Express.

E ndërkohë është folur edhe për një takim tjetër të zyrtarëve të PAN me ish liderin e VV’së, Albin Kurtin.

Por, atë e ka mohuar vet Kurti pak para se të fillojë mbledhja e kryesisë së LVV-së, ish-lideri i Lëvizjes Vetëvendosje, Albin Kurti, duke mos specifikuar, ka thënë se do të diskutohet për gjërat brenda partisë për vitin 2018.

“Pikat e rendit të ditës janë për situatën politike, njëkohësisht edhe për çështjet organizative dhe përgatitjet e VV-së për vitin 2018”, ka thënë Kurti.

I pyetur nëse është takuar me PAN-in për Gjykatën Speciale, siç raportuan mediet sot, Kurti ka mohuar një gjë të tillë. “Absolutisht jo”, ka thënë shkurt Kurti.

Ndërkaq, mbledhja e sotme e kryesisë së LVV-së erdhi pas dorëheqjes së kryetarit Visar Ymeri nga të gjitha postet drejtuese të partisë, si dhe të Dardan Sejdiut.

Subscribe në YouTube: GAZETA INFOKUSI