Lajme

Thaçi uron Krishtlindjen

Autori: Gazeta inFokus 12:25 | 24 Dhjetor 2017

Presidenti i Kosovës, Hashim Thaçi ka uruar besimtarët e krishterë festën e Krishtlindjes. Ai ka uruar që kjo festë t`iu sjellë paqe e dashuri të gjithë shoqërisë.

Thaçi ka thënë se Krishtlindja sjellë mesazhin e tolerancës dhe humanizmit.

Më poshtë gjeni urimin e tij të plotë:

-Advertisement-

Kjo ditë e rëndësishme për besimtarët e krishterë dhe mbarë njerëzimin, uroj të sjellë sa më shumë paqe e dashuri në familjet dhe shoqërinë tonë.

Kremtimi i Krishtlindjes gjithmonë bart me vete mesazhin e tolerancës, mbarësisë e humanizmit, vlera këto që garantojnë një të ardhme më të begatshme për brezat e rinj.

Urime Ipeshkvisë së Kosovës dhe gjithë besimtarëve të krishterë në Kosovë e kudo që janë.

Në këtë festë që bashkon familjet dhe qytetarët tanë, në ngrohtësinë e njerëzve më të dashur, t’u gëzohemi të mirave dhe të festojmë me njëri-tjetrin! HTH