Sport

Dembele mund të luajë kundër Real Madridit

Autori: Gazeta inFokus 13:36 | 17 December 2017

Edhe pse qëndrimi zyrtar i Barcelonës është se Ernesto Valverde nuk do ta rrezikojë Ousmane Dembelen duke e inkuadruar në El Clasico dhe se lojtari do të rikthehet në fushë në janar, privatisht klubi katalan beson se anësori mund të jetë i gatshëm për t’u përballë me Real Madridin, në atë që mund të jetë ndeshja përcaktuese e këtij sezoni.

Dembele është rikuperuar me ritëm shumë të shpejtë nga lëndimi që e pësoi në ndeshje kundër Getafes në mes të shtatorit, transmeton Express.

Në atë kohë u duk e pamundur që do arrihej në pikën që ai të konsiderohej për ndeshje kundër rivalit të madh nga Madridi.

-Advertisement-

Megjithatë, qëkur ai nisi rrugën e shërimit, shpejt u bë e qartë se ai do të rikthehej para kohe.

Megjithëse klubi ka qenë i kujdesshëm dhe publikisht e ka thënë se nuk do ta përdorë lojtarin deri në janar, sipas të përditshmes spanjolle “Marca”, Dembele mund të luajë javën e ardhshme kundër Real Madridit.

Subscribe në YouTube: GAZETA INFOKUSI