Sport

Alarmohet Rusia, xhihadistët po kthehen para Kupës së Botës

Autori: Gazeta inFokus 15:13 | 12 December 2017

Shërbimi i Sigurisë i Rusisë, FSB, ka thënë sot se është vigjilent për një kthim të mundshëm të xhihadistëve nga Risia para Kupës së Botës dhe zgjedhjeve presidenciale në vitin 2018.

Paralajmërimi i FSB-së vjen pasi javën e kaluar ushtria ruse e shpalli Sirinë vend të çliruar nga Shteti Islamik (ISIS) dhe pas një vizite gjatë ditës së hënë të presidentit rus, Vladimir Putin, në bazën ajrore të Rusisë në vendin e shkatërruar nga lufta, transmeton Express.

Hiç më pak se 40.000 luftëtarë nga e gjithë bota, përfshirë nga Rusia, kanë shkuar në Siri për t’iu bashkuar ISIS-it që nga viti 2014 pas shpalljes së kalifatit në Siri dhe Irak.

-Advertisement-

Tani që kalifati i ISIS-it është rrëzuar, liderët dhe luftëtarët e saj po kërkojnë mënyra tjera për t’i vazhduar aktivitetet terroriste në territore të vendeve tjera, përfshirë në Rusi, ka thënë drejtori i FSB-së, Alexander Bortnikov.

Kupa e Botës në Rusi do të nisë në qershor dhe mbaron në korrik 2018.

Subscribe në YouTube: GAZETA INFOKUSI
Etiketa:
Prince Caffe pjesëmarrës në panairin “Gulfood Fair 2024” në Dubai
-Advertisement-

Të tjera

Fokusi

sport