Sport

Lazio përmbys e fiton në 10 minuta

Autori: Gazeta inFokus 09:02 | 04 December 2017

Lazio ka triumfuar në limite duke mposhtu në transfertë Sampdorian. Kryeqytetasit i janë falur golit të Felipe Caicedos, i cili në kohën shtesë ka shokuar Sampdorian.

Lazio është rikthyer te fitorja, duke ndjekur ritmin e kryesuesve në luftën për një vend në Champions League, duke mposhtu në transfertë rivalët e Sampdorias, të cilët para kësaj ndeshje ishin vetëm 3 pikë pas shpinës së kryeqytetasve.

pas përfundimit të pjesë së parë me rrjete të paprekura, të parët që kaluan në avantazh ishin vendasit me anë të Duvan Zapata në të 56-tën.

Por ndërsa po luheshin 10 minutat e fundit të ndeshjes, kryeqytetasit nën drejtimin e Simeone Inzaghit kanë përmbysur rezultatin duke dalë me 3 pikë nga stadiumi “Luigi Ferraris”.

-Advertisement-

Në të 80-ën Sergej Milinkovic-Savic, barazoi shifrat në 1-1, e kur filluan të luhej koha shtesë, Felipe Caicedo shënoi golin e dytë e të fitores për lacialët, duke shokuar skuadrën e Marco Giampaolos.