Lajme

BE: Procesi zgjedhor ishte i qetë me disa incidente të vogla

Autori: Gazeta inFokus 11:43 | 21 November 2017

Misioni i Vëzhguesve të BE-së ka dhënë vlerësimet për procesin e balotazhit që u zhvillua më 19 nëntor në 19 komuna.

Shefi Observer i Misionit të Vëzhgimit të Zgjedhjeve të Bashkimit Evropian, Alojz Peterle, ka thënë se këto ishin zgjedhje me konkurrencë të fortë dhe që u zhvilluan në atmosferë të qetë.

“Në vërejtëm tension në disa komuna ku garuesit akuzuan njëri-tjetrin psh në Gjakovë dhe Mitrovicën Jugore”, tha Peterle në një konferencë për media.

-Advertisement-

“Tensionet që i vëzhguan apo që i vërejtën vëzhguesit tanë në Mitrovicë dhe Gjakovë, nuk na lejon që të spektolojmë për rezultatin e zgjedhjeve”.

“Kemi qenë të kënaqur që nuk kemi vërejtur ndonjë incident të veçantë”.

“Ngjashëm ndodhi edhe në Partesh që kandidatët akuzuan njëri-tjetrin për blerje të votave. Por dita kaloi pa incidente”.

Petrele tha se mediat ofruan mbulueshmëri të mjaftueshme dhe të balancuar për të gjitha partitë.

Ai tregoi se misioni i BE-së ka vizituar 292 vendvotime dhe tha se numërimi i votave është zhvilluar në mënyrë transparente.

“Megjithatë disa gjëra në këtë drejtim duhet të përmirësohen – poashtu qasja për personat me aftësi të kufizuara ka qenë e vështirë”.

“Vlerësimet tona do të kenë kuptim nëse vetëm gjetjet tona dhe rekomandimet merren parasysh dhe te imlemetnohen”.

Subscribe në YouTube: GAZETA INFOKUSI
Etiketa:
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme