Sport

Messi: U ndjeva i turpëruar të kthehesha në kombëtare pas vendimit për t’u pensionuar

Autori: Gazeta inFokus 15:03 | 10 November 2017

Lionel Messi ka zbuluar se ishte ndier i turpëruar të kthehej nga pensionimi në kombëtaren e Argjentinës.

Ylli i Barcelonës dhe Argjentinës e pranoi se ndihej i turpëruar të thoshte se dëshironte të kthehej në kombëtare, transmeton Express.

Pesë herë fituesi i Topit të Artë njoftoi pas humbjes së Argjentinës me penallti ndaj Kilit në finale të Kupës së Amerikës në vitin 2016 se do të pensionohej nga kombëtarja.

-Advertisement-

Por, pas largimit të trajnerit Ferardo Martino dhe ardhjes së Edgardo Bauza, Messi u bind të kthehej në kombëtare.

“Ishte një vendim i marrë në moment emocionues, por ndihesha i turpërua të thosha se doja të kthehesha në kombëtare”, ka thënë Messi për DIRECTV Sports.

“El Paton [Bauza] dhe shokët e skuadrës i bënë gjërat shumë më të lehta për mua të kthehesha. Tash jam 30 vjeç dhe kënaqem më ndryshe në futboll dhe më shumë se dikur. E shfrytëzoj çdo moment, në fushë dhe jashtë saj. Jam duke e përjetuar këtë moment me kombëtaren në një tjetër mënyrë”, ka shtuar Messi.

Subscribe në YouTube: GAZETA INFOKUSI