Sport

Messi e luan ndeshjen e 600 për Barcelonën

Autori: Gazeta inFokus 23:37 | 04 November 2017

Që prej debutimit të tij për Barcelonën kundër Espanyolit në stadiumin “Olimpic” në Montjuric, më 16 tetor 2004, Lionel Messi nuk ka ndaluar se luajturi dhe grumbulluari trofe dhe rekorde me fanellën e Barçes, ndërsa sonte kundër Sevilles, ylli argjentinas e luajti ndeshjen e 600.

Në 14 sezonet sa ka qenë në ekipin e parë, Messi i ka festuar 523 gola duke shikuar në qiell në 600 ndeshjet zyrtare që i ka luajtur për Barçen. Edhe një fakt tjetër që tregon se ai nuk është vetëm golashënues, por edhe lojtar i ekipit janë 199 asistet që ua ka bërë bashkëlojtarëve të vet, transmeton Express.

10-shi i Barcelones nuk është thjesht lojtari më i mirë, por edhe ikona e Barcelonës duke hyrë në klubin e 600-ve. Vetëm Xavi (767) dhe Iniesta (642) kanë më shumë paraqitje për Barçen se Messi.

-Advertisement-

Në moshën 30-vjeçare dhe me kontratë deri në vitin 2021, Leo ka shumë kohë përpara për t’u bërë lojtari me më së shumti paraqitje në histori të Barcelonës.

Subscribe në YouTube: GAZETA INFOKUSI