Sport

Ronaldo apo Messi? Titujt individual tregojnë kush është më i mirë

Autori: Gazeta inFokus 18:45 | 24 October 2017

Gara në mes të Leo Messit dhe Cristiano Ronaldos nisi 10 vite më parë dhe vazhdon të jetë e tillë edhe sot.

Tifozë, futbollistë dhe ekspertë të futbollit vazhdojnë të debatojnë se kush është më i mirë në mes të Leo Messit dhe Cristiano Ronaldos.

Të dy këta futbollistë e kanë dominuar futbollin në 10 vitet e fundit, duke fituar nëntë Topa të Artë dhe këtë vit do ta fitojë sërish njëri prej tyre.

-Advertisement-

Triumfi i mbrëmshëm i portugezit si lojtari më i mirë në botë për vitin 2017 nga FIFA, ka ringjallur sërish debatin se kush është më i miri.

Në rast se shikojmë çmimet më të rëndësishme individuale, atëherë del se Ronaldo është më i dekoruar se Messi.

Ronaldo ka katër Topa të Artë dhe është favoriti kryesor edhe këtë sezon, ndërsa Messi ka pesë Topa të Artë.

Të dy këta futbollistë kanë nga katër Këpuca të Arta, për golashënuesit më të mirë të vitit.

Në garë për Lojtarin më të mirë në Evropë kryeson Ronaldo me tre çmime, për dallim nga Messi që ka vetëm dy, ashtu sikurse edhe në garë për lojtarin më të mirë në botë të përzgjedhur nga FIFA, ku Ronaldo ka tre çmime, ndërsa Messi vetëm një.

Pavarësisht këtyre fakteve, tifozët, futbollistët dhe ekspertët e futbollit janë të ndarë se kush është futbollist më i mirë, Messi apo Ronaldo.