Sport

Premier League, kohë shkarkimesh. Rrezikon Biliç

Autori: Gazeta inFokus 12:48 | 22 October 2017

Slaven Biliç është në ditët e fundit të aventurës së tij në panklinën e West Hamit, e vetëm një kthim i bujshëm i fateve të sezonit mund ta shpëtojë kroatin nga shkarkimi.

Disfata e fundit në Premier League kundër Brighton ka vështirësuar situatën rreth teknikut ballkanas, që tani ka afat vetëm dy ndeshje për të marrë rezultat, në të kundërt do t’i tregohet dera e daljes.

West Ham do të ketë një përballje të vështirë ndaj Tottenhamit në Kupën e Anglisë, e më pas do të përballet me Crystal Palace në kampionat. Në rast të dy humbjeve, për Slaven Biliç do të përfundojë njëanshmërisht kontrata me londinezët.

-Advertisement-

Kjo rrezikon që West Ham të gjendet në një situatë të njëjtë me Leicester City, që shkarkoi trajnerin Shakespeare, duke i lënë drejtimin zëvendësit Appleton.

Drejtuesit e klubit londinez kërkojnë të emërojnë në pankinë Manuel Pellegrinin, por kiliani është i lidhur përmes milionave të kontratës me kinezët e Hebei China Fortune.