Sport

Sampaoli: Vidal ka probleme me alkoolin

Autori: Gazeta inFokus 17:38 | 13 October 2017

Arturo Vidal ka probleme të theksuara me alkoolin.

Tekniku i Kombëtares së Argjentinës, Jorge Sampaoli, në një intervistë ka dhënë arsyet se përse Kili mbeti jashtë Botërorit.

Ish trajneri i Sevillas, i cili me herët ka drejtuar edhe Kilin, ka folur në mënyrë të hapur dhe të drejtpërdrejtë, duke vënë gishtin tek fajtorët dhe njëri prej tyre është pikërisht mesfushori i Bayern Munich, Arturo Vidal.

-Advertisement-

“Ka qenë një rast teksa po udhëtonin me avion dhe Vidal më kërkoi leje që pinte nje birrë, por më pas zbulova që ishte Whisky”, u shpreh Jorge Sampaoli.

“Ai ka probleme të theksuara me alkoolin dhe nuk arrin dot të kontrollojë veten. Duhet të vizitohet tek ndonjë specialist”, shtoi ai.

“Kur vesh fanellën e Kombëtares duhet të sillesh si profesionist, ndërkohë te Kili disa prej futbollistëve e kishin mendjen për të festuar nëpër lokale sesa te Kombëtarja. Disa prej tyre vinin në gjendje aq shumë të dehur sa e kishin të pamundur të bënin stërvitje”, theksoi mes tjerash trajneri Argjentinës.

Subscribe në YouTube: GAZETA INFOKUSI