Auto&Tech

Tani mund t’i fshini mesazhet në WhatsApp, para se marrësi t’i lexojë ato

Autori: Gazeta inFokus 11:21 | 15 September 2017

Shumë prej nesh kemi dërguar të paktën një mesazh ose një fotografi për të cilat më vonë i kemi rënë pishman dhe që do të dëshironim që kurrë mos t’i kishim dërguar.

Por falë një veçorie të re në WhatsApp, ditëve kur i keni rënë pishman për një gjë të tillë u ka ardhur fundi.

Aplikacioni për mesazhe është duke e lëshuar veçorinë e re ‘Delete for Everyone’ (Fshije për të gjithë), e cila do t’ju lejojë që t’i ‘zhdërgoni’ mesazhet, transmeton Gazeta Express.

-Advertisement-

Përdoruesit do të kenë vetëm pesë minuta kohë prej dërgimit të mesazhit e deri tek fshirja e tij, dhe vetëm mesazhet që s’janë hapur nga marrësi mund të fshihen.

WhatsApp së shpejti do ta lëshojë një përditësim me këtë veçori të re për të gjithë përdoruesit e iOS dhe Android në mbarë botën.

Subscribe në YouTube: GAZETA INFOKUSI