Sport

Lazio – Milan, deklaratë e papritur nga Montella

Autori: Gazeta inFokus 18:51 | 09 September 2017

Vincenzo Montella nuk mund të kërkonte më shumë nga Fassone dhe Mirabelli, të cilët i vunë teknikut maksimumin në dispozicion. Por për të parë një Milan në lartësinë e skuadrave më prestigjioze europiane duhet ende kohë:

“Skuadrat e nivelit ndërkombëtar me buxhet të limituar tentojnë 3 ose 4 transfrime që të arrijnë të kompletojnë formacionin që i përgjigjet objektivave të kubit. Mund edhe të kemi gabuar diku ose do të na duhet të bëjmë edhe lëvizje të tjera, gjithsesi duhet të theksoj se jam falenderues për gjithëcka u arrit”, raporton SuperSport.

Trajneri i Milanit gjatë konferencës për shtyp komenton edhe kritikat lidhur me investimet shumë të mëdha që u bënë gjatë kësaj merkatoje nga drejtuesit e rinj kinez:

-Advertisement-

“Me sa më kanë shpjeguar Milani ka investuar në sistemin italian disa qindra milionë euro dhe të paktën për këtë si dhe për faktin se është bërë maksimumi në një kohë fare të shkurtër, mendoj se shoqëria e meriton një falenderim. Personalisht mendoj se merkato e Milanit meriton notën 10”.

Pas një starti shumë pozitiv, tani mbërrin ora e së vërtetës për Milanin e Montellës, me sfidën e parë të vështirë në Kampionat, ajo së dielës në Olimpico përballë Lazios. Këtë e di më mirë nga të gjithë tekniku Vincenzo Montella:

“Kjo është ndeshja e 7 rradhazi. Kam shpresa dhe ambicie për këtë takim. Lazio është një skuadër solide që di të luajë në shumë mënyra ndaj dhe ne duhet të dimë të përshtatemi, pasi ende nuk e kemi testuar realisht nivelin tonë”

Për Montellën kjo do të jetë edhe një përballje me Simone Inzaghin që sikundër ai ka fituar një ndeshje të Superkupës së Italisë përballë Juventusit.

“Kjo është një ndeshje e rëndësishme dhe ne ndoshta jemi të vetmit në Itali që i kemi hequr pak nga suksesi Juventusit përgjatë këtyre viteve të fundit. Simone po tregohet pragmatist, është përshtatur dhe ka fituar dashurinë e lojtarëve. Kam shumë respekt për të. Biglia do të luajë titullar dhe për të nuk do të jetë një ndeshje e lehtë pasi është stërvitur pak me skuadrën, por jam i bindur se do të dalë shumë mirë. Pritshmëritë janë të mëdha për të, pasi është një futbollist shumë inteligjent me një taktikë të shkëqyer”.

Subscribe në YouTube: GAZETA INFOKUSI