Lajme

Këto ishin fjalët e fundit të Princesësh Diana

Autori: Gazeta inFokus 08:43 | 31 August 2017

“Princesha e Popullit” humbi jetën tragjikisht gati 20 vite më parë në një përplasje të tmerrshme të makinave në Paris më 31 gusht 1997.

Princeshë Diana ishte duke udhëtuar në një Mercedes S-280, pasi ajo u largua nga Hotel Ritz përpara se të përplasej fatalisht në tunelin e Pont De l’Alma.

Sgt Xavier Gourmelon ishte përgjegjës për një ekuipazh zjarrfikësish të trajnuar nga mjekët, të cilët shkuan të parët në vendin e ngjarjes. Gjysmë e vetëdijshme Diana me sa duket u përpoq të fliste, teksa ishte ulur pranë të dashurit të saj Dodi Fayed në pjesën e pasme të makinës.

-Advertisement-

Sgt Gourmelon zbuloi se ajo tha: “Zoti im, çfarë ka ndodhur?”. Shkruan “DailyStar”. Në intervistën e tij të parë me mediat, z. Gourmelon, 50 vjeç, tha se mendonte se Princesha e Uellsit do t’i mbijetonte aksidentit.

Ai tha se 36-vjeçarja ishte e vetëdijshme kur u nxorr nga makina. Diana më pas pësoi një arrest kardiak, pasi u vendos në një barelë.
Lady Di vdiq tragjikisht pak orë më vonë në spital. “Makina ishte një kaos dhe ne u morëm me të si në çdo aksident rrugor. Ne nisëm punën për të parë se kush kishte nevojë për ndihmë dhe kush ishte gjallë “, tha zoti Gourmelon për “The Sun”.
Ai shtoi: “Gruaja, që më vonë kuptova ishte Princesha Diana, ishte në dysheme në shpinë. “Ajo po lëvizte shumë pak dhe unë mund të shihja se ajo ishte gjallë. Munda të shoh se ajo kishte një dëmtim të lehtë në shpatullën e saj të djathtë, por përveç kësaj, nuk kishte asgjë të rëndësishme. Nuk kishte asnjë shenjë gjaku. Unë i mbajta dorën dhe i thashë të qetësoheshe…i thashë se isha atje për ta ndihmuar dhe siguruar atë. Ajo tha:” Zoti im, çfarë ka ndodhur?”.
“Tani e di që ajo kishte pësuar lëndime serioze të brendshme…Kujtimi i asaj nate do të qëndrojë përgjithmonë me mua”, shton ai. Princesha, Dodi al Fayed dhe shoferi i tyre Henri Paul humbën jetën pas aksidentit në tunelin e Pont de Alma.

Subscribe në YouTube: GAZETA INFOKUSI
Etiketa:
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

lajme