Lajme

Kanada, fluks i paprecedentë azilkërkuesish nga kufiri me SHBA

Autori: Gazeta inFokus 16:55 | 18 August 2017

Kanadaja po përballet me një rritje të paprecedentë të azilkërkuesve që kalojnë kufirin me Shtetet e Bashkuara të Amerikës.

“Nuk ishim gjendur ndonjëherë përballë shifrash të tilla”, i tha CNN-it zëdhënësi i policisë, Claude Castonguay.

“Edhe pse efektivët tanë kanë të gjithë vitin që patrullojnë 24 orë në ditë, njerëzit vazhdojnë të mbërrijnë si kurrë më parë”, sqaron ai.

-Advertisement-

Vetëm 6 javët e fundit, në Quebec janë gjetur gati 7.000 kërkues azili. Zyrtarët këmbëngulin se, pavarësisht përmasave, fluksi i të ardhurve është i menaxhueshëm dhe siguria e vendit nuk është kompromentuar në asnjë moment. Megjithatë, ata theksojnë se ndërsa Kanadaja mbetet një vend i hapur e mikpritës, kalimi i kufirit nuk duhet parë si “biletë për rezidencë të përhershme”.

Gati 80 deri në 85% të azilkërkuesve rezulton të jenë me origjinë haitjane. Duket se një pjesë e fajit për një vërshim të tillë i detyrohet informacioneve të rreme të përhapura përmes medieve sociale dhe “whatsapp”-it, ku pretentohej se Kanadaja është praktikisht duke i ftuar njerëzit të kërkojnë azil.

“Ky nuk është një mesazh nga qeveria kanadeze”, theksuan zyrtarë të Ministrisë vendase të Emigracionit. “Proceset tona vazhdojnë, ato mbeten tejet të rrepta për individët që duan të qëndrojnë në këtë vend, pavarësisht mënyrës sesi kanë hyrë në Kanada”.

Subscribe në YouTube: GAZETA INFOKUSI
Etiketa:
Marsi sjell Magji në ETC
-Advertisement-

Të tjera

Fokusi

lajme