Lajme

Zyrtare: Ky është kandadati që PDK-ja e ka nominuar për Kryeparlamentar

Autori: Gazeta inFokus 16:07 | 29 July 2017

Këshilli Drejtues i PDK-së e ka nominuar zyrtarisht Kadri Veselin për Kryetar të Kuvendit.

Këtë e ka bërë të ditur Nënkryetari i PDK-së, Rexhep Hoti, i cili ka thënë se Shefi i PDK-së ka marrë mandat edhe të propozojë emrat e ministrave në Qeverinë e re si dhe emrat e kandidatëve për Kryetarë të Komunave të Kosovës.

Organi vendimmarrës i Partisë Demokratike të Kosovës, edhe zyrtarisht, e ka nominuar Kadri Veselin për Kryetar të Parlamentit.

-Advertisement-

Ky vendim është marrë sot në mbledhjen e Këshillit Drejtues të kësaj partie, duke i dhënë edhe kompetenca të tjera Kryetarit të PDK’së.

Nënkryetari i PDK’së, Rexhep Hoti, ka thënë për Express se Veseli ka marrë edhe kompetencë të propozojë emrat e ministrave të rinj si dhe të propozojë emrat e kandidatëve për Kryetarë të komunave për zgjedhjet lokale.

“Këshilli Drejtues ka marrë dy vendime madhore. I pari ka të bëjë me nomiminin e z. Veseli për Kryetar të Parlamentit të Republikës së Kosovës. Vendimi i dytë ka të bëjë me dhënien e kompetencave për Kryetarin e PDK’së që t’i propozojë emrat për ministra të rinj në Qeveri dhe emrat e kandidatëve për Kryetarë komunash”, ka thënë Hoti, për Express, të shtunën.

Ky zyrtar i PDK’së ka konfirmuar se kanë biseduar për Qeverinë e re, por jo edhe për numrat, e koalicionit PAN.

“Asnjë dyshim s’ka se do të jemi pjesë e Qeverisë. Këtë na e ka besuar sovrani dhe s’ka asnjë luhatje në këtë drejtim”, ka shtuar ai.

Seanca e Kuvendit të Kosovës është caktuar për 3 gusht. Aty, pritet të votohet për Kryetarin e Parlamentit dhe Nënkryetarët.

Të drejtën kushtetuese për pozitën e Shefit të Parlamentit e ka PAN, koalicioni fitues i zgjedhjeve, derisa partitë tjera kanë pozitat e nënkryetareve.

Subscribe në YouTube: GAZETA INFOKUSI