Lajme

Isa Mustafa e avancon në pozitë të lartë në BERZH vëllaun e këshilltarit të tij (DOKUMENT)

Autori: Gazeta inFokus 10:57 | 25 July 2017

Kryeministri në largim Isa Mustafa derisa po i numëron ditët e fundit në krye të Qeverisë së Republikës së Kosovës po vazhdon të ‘rehatojë’ familjarë të bashkëpunëtorëve të tij të ngushtë në pozita kyçe të institucioneve të rëndësishme ndërkombëtare.

Ditë më parë Mustafa ka emëruar Berat Havollin këshilltar të Konstituencës së Republikës së Kosovës në Bordin e Drejtorëve të Bankës Evropiane për Rindërtim dhe Zhvillim(BERZH).

Përndryshem Berat Havolli është vëlla i Sokol Havollit, shefit të kabinetit dhe këshilltarit politik të kryeministrit në largim, Isa Mustafa, shkruan portali ‘Infokusi.com’.

-Advertisement-

Sipas vendimit të Qeverisë së Republikës së Kosovës të datës 17 korrik 2017, Havolli do të ketë mandat katër vjeçar dhe është i ngarkuar nga ekzekutivi i vendit që t’i mbikqyrë zbatimin e projekteve të Republikës së Kosovës me BERZH, raporton ‘Infokusi.com’.

Përndryshe, përpos Sokol Havollit që e ka bashkëpunëtorë të ngushtë, kryeministri Isa Mustafa me prindin e Berat Havollit, Ymer Havollin, i cili është kryetar i Bordit të Trustit të Kursimeve Pensionale të Kosovës, janë bashkëaksionar në Institutin ‘ Riinvest’.

Në formularët e deklarimit të pasurisë, Ymer Havolli, ka deklaruar se në ‘Riinvest’ i ka 3.2% të aksioneve, derisa Mustafa i ka 6.40 për qind të aksioneve.

Përndryshe, gjat mandatit të tij gati tre vjeçar në krye të Qeverisë, kryeministri Isa Mustafa është akuzuar se po i çon në pozita të rëndësishme shtetëtore ish-bashkëpunëtorët e tij nga Instituti ‘Riinvest’. /Infokusi.com/

 

Subscribe në YouTube: GAZETA INFOKUSI
Etiketa:
Nis bashkëpunimi serioz dhe strategjik midis Comodita dhe JYSK International
-Advertisement-

Të tjera

Fokusi

lajme