Sport

Nga viti 2013 Unitedi ka shpenzuar 733 milionë euro, vetëm 790 milionë p`r 27 vjet me Fergusonin

Autori: Gazeta inFokus 07:50 | 09 July 2017

Manchester United shpenzoi 790 milionë euro me Sir Alex Ferguson nga viti 1986 deri në vitin 2013. Nga viti 2013, kur Ferguson u largua, “Djajtë e Kuq” kanë shpenzuar 733 milionë euro, vetëm 57 milionë më pak.

Manchester Unitedi ka vazhduar me shpenzimet marramendëse në merkato edhe këtë verë, shkruan Gazeta Express.

Pas Victor Lindelöf, që u transferua për 35 milionë euro, “Djajtë e Kuq” kanë siguruar edhe shërbimet e Romelu Lukaku, i cili u kushtoi 85 milionë euro.

-Advertisement-

Që nga viti 2013, kur Sir Alex Ferguson u largua nga klubi – United ka shpenzuar shifra marramendëse në merkato, 733 milionë euro, duke blerë 21 lojtarë.

Besoni apo jo, nga gjatë qëndrimit të Ferguson, “Djajtë e Kuq” kanë shpenzuar 790 milionë euro për 27 vjet, teksa pas largimit të tij, pas katër vjetëve, United tashmë ka shpenzuar 733 milionë euro.

Pas Man United renditet Manchester City me 721 milionë euro, Chelsea 491 milionë euro, Juventus me 481 milionë dhe PSG 462 milionë.

1. 2013-2014: Mata (45 milionë euro) dhe Fellaini (32)

2. 2014-2015: Di María (75 milionë euro), Shaw (37,5), Ander Herrera (36), Rojo (20), Blind (17,5), Falcao (me kredit), Milinkovic-Savic (1,75)

3. 2015-2016: Martial (60 milionë euro), Schneiderlin (35), Depay (34), Darmian (18), Schweinsteiger (9), Romero (lojtar i lirë)

4. 2016-2017: Pogba (105 milionë euro – rekord botëror), Mkhitaryan (42), Bailly (38), Ibrahimovic (lojtar i lirë)

5. 2017-2018: Lukaku (85 milionë euro) dhe Lindelöf (35).

Deri më tani në këtë afat kalimtar, United ka shpenzuar 120 milionë euro, shifër kjo që mund të rritet pasi Jose Mourinho kërkon të përforcojë edhe më shumë skuadrën për sezonin 2017/18.

“Ed Woodward i di lojtarët që i dua që nga marsi”, kishte thënë José Mourinho në fund të sezonit.

Vitin e kaluar Mourinho shpenzoi 185 milionë euro në transferime.