Lajme

SHBA, kontrolle më të rrepta në aeroporte

Autori: Gazeta inFokus 09:56 | 29 June 2017

Departamenti Amerikan i Sigurisë Kombëtare i ka kërkuar kompanive ajrore dhe aeroporteve të forcojnë kontrollet e udhëtarëve dhe të bagazheve.

Kush nuk bindet, mund të përballet me masa të ashpra. Ndalimi i laptovëve megjithatë, i cili u vendos në SHBA në muajin mars për 8 vende me shumicë myslimane, nuk do të zgjerohet më tej.

Sipas kreut të këtij institucioni, John Kelly, ndryshimet janë të nevojshme nisur nga interesi i lartë i terroristëve për të shënjestruar sektorin e aviacionit. Armiqtë tanë punojnë pa reshtur për të gjetur mënyra të reja të fshehjes së eksplozivëve, rekrutimit të personave të brendshëm e rrëmbimit të avionëve. Ne nuk mund të luajmë ndërkombëtarisht “gjej urithin” me çdo kërcënim të ri që shfaqet, u shpreh Kelly.

-Advertisement-

“Në vend të kësaj, duhet të vendosim rregulla të reja në mënyrë që ta mbajmë të sigurtë transportin publik dhe t’ia bëjmë më të vështirë suksesin terroristëve”, shtoi Kelly.

Masat e përmendura nga zyrtari i lartë i administratës amerikane i diktojnë linjave ajrore përmirësimin e kontrollit të pasagjerëve, detektimin e lëndëve plasëse dhe verifikimin e vetë personelit të aeroportit në përpjekje për të shmangur mundësinë e një sulmi me bashkëpunëtor të brendshëm.

Ndryshimet do të aplikohen mbi gati 2 100 fluturime të përditshme në Shtetet e Bashkuara nga 280 aeroporte, 180 kompani ajrore e 105 vende të botës. Nga sa pohojnë zyrtarët amerikanë e ata të BE-së, masat në fjalë do të hyjnë në fuqi brenda tre javëve.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy