Sport

⚽️ A do të largohet Ronaldo nga Reali? Flet ylli i Portugalisë

Autori: Gazeta inFokus 18:27 | 17 June 2017

Rui Patricio ka heshtur lidhur me spekulimet se Cristiano Ronaldo do të largohet nga Real Madridi, teksa thotë se kjo nuk do të ndikojë në paraqitjet e CR7 në Kupën e Konfederatave.
Ishte e përditshmja sportive portugeze, A Bola, që lëshoi “bombën” në mëngjesin e së premtes duke raportuar se katër herë fituesi i “Topit të Artë”, Cristiano Ronaldo, dëshiron të largohet nga Spanja, transmeton Gazeta Express.

CR7 tani është temë kryesore në gjitha mediat botërore, i cili ende nuk ka dhënë një përgjigje lidhur me spekulimet e fundit dhe pritet mos ta bëjë këtë deri në përfundim të Kupës së Konfederatave.

I pyetur lidhur me largimin e mundshëm të Ronaldos nga Reali dhe nëse kjo do të ndikojë në paraqitjet e tij, portieri Rui Patricio është përgjigjur.

-Advertisement-

“Kjo nuk do të ndryshojë asgjë. Ronaldo është i koncentruar me Kombëtaren. Është i koncentruar 100 % në Kupën e Konfederatave. Do të bëjë një turne fantastik”, tha Patricio.

Ai foli edhe për akuzat ndaj portugezit për evazion fiskal, duke thënë se Ronaldo është shembull për të gjithë.

“Është shembull për të gjithë ne. Ai është një lojtar i madh dhe një atlet i shkëlqyer që gjithmonë e di çfarë të bëjë”, shtoi Patricio.

Subscribe në YouTube: GAZETA INFOKUSI
Etiketa:
Edhe një storie suksesi – PRINCE CAFFE lidh marrëveshje bashkëpunimi me kompaninë më të madhe në Kroaci të shitjes me…
-Advertisement-

Të tjera

Fokusi

sport